9 აპრილი არის სიმბოლო ჩვენი სამშობლოს დამოუკიდებლობისა და სიყვარულისთვის ბრძოლის, – ამის შესახებ ჟურნალისტებს საქართველოს პრემიერ-მინისტრმა, ირაკლი ღარიბაშვილმა განუცხადა, რომელმაც რუსთაველის გამზირზე 9 აპრილს დაღუპულთა ხსოვნას პატივი მიაგო და მემორიალი ყვავილებით შეამკო.
“26 წელი გავიდა 9 აპრილის ტრაგედიიდან. ეს დღე იქცა მართლაც ტრაგედიად, მაგრამ ამავე დროს ეს დღე არის სიმბოლო ჩვენი სამშობლოს დამოუკიდებლობისა და სიყვარულისთვის ბრძოლის. ამ ადამიანებმა, რომლებმაც გამოიჩინეს სასწაული თავგანწირვა და გმირობა, ჩვენ მოგვცეს მაგალითი, თუ როგორ უნდა ვიცხოვროთ, როგორ შევწიროთ თავი სამშობლოს და როგორ დავიხარჯოთ ბოლომდე. ამ იდეამ, ამ ერთიანობამ გამოიღო შედეგი და 1989 წლის 9 აპრილის ტრაგედიიდან ორი წლის თავზე სახელმწიფომ გამოაცხადა დამოუკიდებლობა. ასე რომ, ეს არის ჩვენი ერის გამარჯვება. მე ქედს ვიხრი ამ ადამიანების ხსოვნის და მათი ოჯახების წინაშე. ისინი ჩვენი ქვეყნის ნამდვილი გმირები არიან. ჩვენ ყველამ, მათგან უნდა მივიღოთ მაგალითი, თუ როგორ უნდა ვემსახუროთ ჩვენს სამშობლოს”, – განაცხადა ირაკლი ღარიბაშვილმა.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIAN.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
ამერიკის შეერთებული შტატების არჩეულმა პრეზიდენტმა დონალდ ტრამპმა ჯანდაცვისა და სოციალური მომსახურების მდივნად ვაქცინაციის მიმართ სკეპტიკურად განწყობილი რობერტ ფიცჯერალდ კენედი უმცროსი, პრეზიდენტ ჯონ კენედის ძმისშვილი დაასახელა, რითაც დაასრულა დიდი ხნის მითქმა-მოთქმა კენედის გარშემო იმის შესახებ, თუ რა თანამდებობას დაიკავებდა იგი ტრამპის ადმინისტრაციაში.