„შემოთავაზებულია კონკრეტული კონსტიტუციური ინიციატივა, რომელიც ასახულია პროექტში და რომლის თანახმადაც, თუ დეპუტატი სესიის მიმდინარეობისას გააცდენს სხდომების ნახევარზე მეტს, მას შეუწყდება პარლამენტის გადაწყვეტილებით უფლებამოსილება“, განაცხადა ირაკლი კობახიძემ დეპუტატების მიერ პარლამენტის სხდომების არასაპატიო მიზეზით გაცდენის შესახებ საუბრისას. მისი თქმით, შესაბამისი ჩანაწერის გამკაცრება იგეგმება რეგლამენტის დონეზეც.

„არამარტო რეგლამენტის დონეზე, შემოთავაზებულია კონკრეტული კონსტიტუციური ინიციატივა, რომელიც ასახულია პროექტში, რომლის თანახმადაც, თუ დეპუტატი სესიის მიმდინარეობისას გააცდენს სხდომების ნახევარზე მეტს, მას შეუწყდება პარლამენტის გადაწყვეტილებით უფლებამოსილება. ანუ, როგორც რეგლამენტის, ასევე, კონსტიტუციის დონეზე იგეგმება ამ ჩანაწერის გამკაცრება, შესაბამისად, კონკრეტული სანქცია იქნება ამოქმედებული სხდომაზე არ დასწრებისთვის თუ ამან რეგულარული სახე მიიღო. სანქციების ამოქმედება არის პირადად ჩემი პრეროგატივა, ჯერჯერობით ვცდილობთ, ლოიალური მიდგომით მივაღწიოთ შედეგს, თუ ეს არ გამოიღებს თავის შედეგებს, შემდეგ გადავალთ შედარებით ნაკლებად ლოიალურ მიდგომაზე“, განაცხადა ირაკლი კობახიძემ.