ლანჩხუთის მუნიციპალიტეტის გამგებელმა ზაზა ურუშაძემ ნიგოითის ადმინისტრაციული ერთეულის მცხოვრებთ ახალი წარმომადგენელი ზაზა წულაძე წარუდგინა. იგი მოსახლეობას ბოლო სამი წლის განმავლობაში განხორციელებულ და მიმდინარე პროექტებთან დაკავშირებით ესაუბრა.

ლანჩხუთის გამგეობის პრესსამსახურის ცნობით, გამგებელმა განაცხადა, რომ ბოლო სამი წლის განმავლობაში ნიგოითში ინფრასტრუქტურულ პროექტებზე 1 397 338 ლარი დაიხარჯა. მოხდა წყლის სისტემის აღდგენა, მოეწყო გარე განათება, ხიდები და მილხიდები; სტიქიის სალიკვიდაციო ღონისძიებების ფარგლებში ჩატარდა ნაპირსამაგრი სამუშაოები; აღდგა რამდენიმე ხიდი; გაიწმინდა სანიაღვრე არხები და ა.შ. რაც შეეხება სხვადასხვა სახის სოციალურ პროგრამებს ამ კუთხით, 89 946 ლარია ბოლო სამ წელში დახარჯული (თირკმლის ქრონიკული უკმარისობით დაავადებულთა სამედიცინო დაწესებულებაში ტრანსპორტირება, სამშობლოს დაცვისას დაღუპულთა და მე-2 მსოფლიო ომი მონაწილეთა დახმარების პროგრამა და ა.შ.).

ლანჩხუთის მუნიციპალიტეტის გამგეობის ინფორმაციით, სოფელ ჩოლობარგში დაწყებულია საბავშვო ბაღის მშენებლობა, რომელიც აგვისტოს ბოლოს დასრულდება და სოფელს 2017-2018 სასწავლო წლისთვის ახალი, თანამედროვე სტანდარტების შესაბამისი საბავშვო ბაღი ექნება. პროექტის ღირებულება 363 326 ლარს შეადგენს.

გამგეობის ცნობითვე, ნიგოითის ადმინისტრაციულ ერთეულში მიმდინარეობს გაზის მიერთების სამუშაოები. ხუთივე სოფელში ბუნებრივი გაზის შეყვანა სექტემბრის ბოლოს დასრულდება.

მოსახლეობასთან შეხვედრა კითხვა-პასუხის რეჟიმში გაგრძელდა.

გამგებელი ნიგოითში ასევე სოციალურად დაუცველ ნინო გორგილაძისა და რომან თაბაგარის ოჯახებს ეწვია. თაბაგარის ოჯახში 7 ბავშვი იზრდება. მუნიციპალიტეტის გამგებელმა მათ ტკბილეული და სხვადასხვა სახის სურსათი გაადასცა.