საქართველოს 20 წლამდე მორაგბეთა ნაკრებსა და საფრანგეთის ნაკრებს შორის მატჩი ფრანგების დიდი უპირატესობით წარიმართა და ის სტუმრების ბრწყინვალე გამარჯვებით დასრულდა.

ფრანგებმა თამაშის დაწყებიდან მალევე, პირველივე წუთებზე შეძლეს ლელოს დადება, რის შემდეგაც გარდასახვის ზუსტად შესრულების წყალობით ანგარიში 7:0, მე-7 წუთზე კი მორიგი ლელოს დადებითა და გარდასახვის ზუსტად შესრულებით ანგარიში 14:0 გახდა.

მე-12 წუთზე ფრანგებმა მესამე ლელო დადეს, გარდასახვის ზუსტად შესრულების შემდეგ კი ისინი 21 ქულით დაწინაურდნენ.

თამაშის პირველი ნახევრის დასრულებამდე რამდენიმე წუთით ადრე საფრანგეთის ნაკრებმა ისევ შეძლო ლელოს დადება და გარდასახვის ზუსტად შესრულება და მატჩის პირველი ნახევარი ფრანგების გამარჯვებით, ანგარიშით 28:0 დასრულდა.

მატჩის მე-2 ნახევრის დასაწყისშივე ფრანგებმა კვლავ შეძლეს ლელოს დადება, თუმცა გარდასახვა ამჯერად არაზუსტად შესრულდა და ანგარიში 33:0 გახდა. 53-ე წუთზე ფრანგებმა ლელო ისევ დადეს, გარდასახვაც ზუსტად შეასრულეს და ანგარიში 40:0 გახდა.

58-ე წუთზე ქართველებმა შეძლეს პირველი ლელოს დადება, თუმცა მსაჯმა, წინთამაშის გამო ის არ ჩათვალა.

ფრანგებმა 65-ე წუთზე მე-7 ლელო დადეს, გარდასახვა ამჯერადაც ზუსტად შეასრულეს და ანგარიში 47:0 გახდა. თამაშის მიწურულს კი სტუმრებმა ბოლო ლელოც დადეს და გარდასახვის ზუსტად შესრულების შემდეგ ანგარიში 54:0 გახდა, და მსაჯმაც თამაში დაასრულა. მატჩი საბოლოოდ სწორედ აღნიშნული ანგარიშით დასრულდა და ფრანგებმა გამარჯვება 54 ქულიანი უპირატესობით მოიპოვეს.