გერმანიის კანცლერმა ანგელა მერკელმა მექსიკაში ვიზიტისას, შაბათს, განაცხადა, რომ კედლების აღმართვა იმიგრაციის მიერ შექმნილ პრობლემებს ვერ გადაწყვეტს, რითაც მან შეერთებული შტატების პრეზიდენტის, დონალდ ტრამპის უმთავრეს იდეას, აშშ-მექსიკის საზღვარზე კედლის აშენების თაობაზე - რაც ტრამპის აზრით, მექსიკიდან ამერიკაში იმიგრანტების, ნარკოდილერების და სხვა კრიმინალების უკანონო შესვლას ალაგმავს - კრიტიკული დარტყმა მიაყენა და ამით ფაქტობრივად, მექსიკის პრეზიდენტის, ნიეტოს მხარე დაიჭირა მას შემდეგ, რაც აშშ-მექსიკის ურთიერთობები, ტრამპის მიერ კედლის აშენების იდეის გაჟღერების და მის ასაშენებლად საფასურის მექსიკისთვის გადახდევინების მცდელობის გამო, ბოლო წლების განმავლობაში ყველაზე დაბალ ნიშნულზე ჩამოვიდა.

„როიტერსის“ ცნობით, მეხიკოში საუბრისას, მერკელმა, რომელიც კომუნისტურ აღმოსავლეთ გერმანიაში, რკინის ფარდის მიღმა გაიზარდა, განაცხადა, რომ ისტორიამ აჩვენა, რომ როდესაც იმპერიები თავიანთ მეზობლებთან კარგად არიან შეწყობილნი, მხოლოდ მაშინ არის მიგრაციის ზეწოლები გადაწყვეტილი წარმატებულად.

„კედლების აღმართვა პრობლემას ვერ გადაწყვეტს“, აღნიშნა მერკელმა და ისტორიული მაგალითები მოიყვანა.

„ეს არის საკითხი, რომელიც შენ კარგად შეიძლება ისწავლო ჩინეთის ისტორიიდან, ჩინეთის დიდი კედლის ისტორიით, შეგიძლია ისწავლო რომაელთა იმპერიის ისტორიიდან. არსებითად, მხოლოდ მაშინ, როდესაც დიდმა იმპერიებმა მოახერხეს გონივრული ურთიერთობების გამოჭედვა თავიანთ მეზობლებთან, მოახერხეს მიგრაციის მართვა წარმატებულად“, განაცხადა მერკელმა.

„მე არ ვფიქრობ, რომ საზღვრის ტექნიკური მხარის უბრალო გაუმჯობესებით შენ შეძლო პრობლემის გადაწყვეტა“, უთხრა მან პანელს განხილვებისას, მის გვერდით კი მექსიკის პრეზიდენტი ენრიკე პენა ნიეტო იდგა.

მთავარია გააუმჯობესო ცხოვრების დონე და შესაძლებლობები პრობლემურ ადგილებში, თქვა მერკელმა, რომელსაც ტრამპი არ უხსენებია.