„ევროპული საქართველოს“ ერთ-ერთი ლიდერი, საპარლამენტო ფრაქცია „მოძრაობა თავისუფლებისთვის - რეგიონების“ წევრი ზურაბ ჭიაბერაშვილი მუსიკალური ჯგუფის, „ბირჟა მაფიას“ წევრების დაკავების და პოლიციელთა მხრიდან უფლებამოსილების გადამეტების შესახებ განცხადებას აკეთებს და გიორგი კვირიკაშვილს და კახა კალაძეს ნარკოპოლიტიკის ლიბერალიზაციაზე საუბრის, „კეკლუცობის“ ნაცვლად „პოლიტიკური ნების“ გამოჩენას ურჩევს.

„კალაძეც, კვირიკაშვილიც, აღმოჩდნენ თურმე ამ ადამიანების დამცველები, მაშინ, როდესაც მათი პოლიტიკური უმოქმედობა და ზოგ შემთხვევაში მათი წახალისება პოლციის ასეთი ქმედების, ხდება მთავარი წყარო იმ დანაშაულებრივი ქმედებისა, როცა ადამიანებს ნარკოტიკს უდებენ. ეს უნდა აღიკვეთოს და შესაბამისად, ნარკოპოლიტიკაც ცალკე თემა არის, მაგრამ არ არის პირდაპირ კავშირში იმ თემასთან, როგორიცაა პოლიციის მიერ დანაშაულის ჩადენა და იარაღის ან ნარკოტიკის ჩადება ადამიანებისთვის. ამიტომ, კვირიკაშვილმა და კალაძემ ჯობია გამოიჩინონ პოლიტიკური ნება და არა იკეკლუცონ საზოგადოების წინაშე ამ თემით“, განაცხადა ჭიაბერაშვილმა ჟურნალისტებთან საუბრისას.