რეგიონული განვითარებისა და ინფრასტრუქტურის სამინისტროს მუნიციპალური განვითარების ფონდი ქალაქ დუშეთში ცენტრალური პარკის აღდგენას ახორციელებს. მიმდინარე სამუშაოები რეგიონული განვითარებისა და ინფრასტრუქტურის მინისტრმა, ზურაბ ალავიძემ და მუნიციპალური განვითარების ფონდის დირექტორის მოადგილემ, ჯუანშერ ბურჭულაძემ მოინახულეს.
რეგიონული განვითარებისა და ინფრასტრუქტურის სამინისტროს ცნობით, დუშეთის ცენტრალურ პარკში ინფრასტრუქტურა დაზიანებული იყო და აღდგენას საჭიროებდა. პროექტის ფარგლებში, დუშეთის მოსახლეობისთვის დასასვენებელი პარკი მოეწყობა, 9 თვის განმავლობაში ათობით ადგილობრივი მოსახლე იქნება დასაქმებული. დუშეთის პარკის კეთილმოწყობა ხელს შეუწყობს ტურისტებისა და დამსვენებლების რაოდენობის ზრდას, შეიქმნება ხელსაყრელი პირობები ტურიზმის განვითარებისთვის.
„პროექტს ევროპის რეკონსტრუქციისა და განვითარების ბანკი აფინანსებსა და მისი ღირებულება 2 252 993 ლარია. პროექტით გათვალისწინებულია: შადრევნის, სანიაღვრეების და კანალიზაციის მოწყობა. ასევე, საყრდენი კედლის გამაგრება და ბილიკებისა და პატარ-პატარა სკვერების მოწყობა. სამუშაოები ითვალისწინებს პარკში მდებარე წმინდა ნიკოლოზის სახელობის ეკლესიის გარე მოპირკეთებას. ამ ეტაპზე, დასრულებულია დაკვალვის სამუშაოები. პროექტი 2017 წლის აპრილში დაიწყო და 2017 წლის დეკემბერში დასრულდება“, აცხადებენ რეგიონული განვითარებისა და ინფრასტრუქტურის სამინისტროში.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIAN.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
ამერიკის შეერთებული შტატების არჩეულმა პრეზიდენტმა დონალდ ტრამპმა ჯანდაცვისა და სოციალური მომსახურების მდივნად ვაქცინაციის მიმართ სკეპტიკურად განწყობილი რობერტ ფიცჯერალდ კენედი უმცროსი, პრეზიდენტ ჯონ კენედის ძმისშვილი დაასახელა, რითაც დაასრულა დიდი ხნის მითქმა-მოთქმა კენედის გარშემო იმის შესახებ, თუ რა თანამდებობას დაიკავებდა იგი ტრამპის ადმინისტრაციაში.