საქართველოს ყოფილი პრეზიდენტი მიხეილ სააკაშვილი 2008 წელს ვერ მიიღებდა სამხრეთ ოსეთზე პროვოკაციული თავდასხმის გადაწყვეტილებას, მის ზურგს უკან რომ არავინ მდგარიყო, განაცხადა რუსეთის პრეზიდენტმა, ვლადიმერ პუტინმა.

„მე არ გამაჩნია 100%-იანი საბუთი იმისა, რომ მასზე ვინმემ პროვოცირება მოახდინა, ვინმემ უბიძგა, იდგა მის ზურგს უკან. მაგრამ მე მეჩვენება, რომ ის არასოდეს მიიღებდა დამოუკიდებლად გადაწყვეტილებას ამგვარ პროვოკაციაზე. მე ასე ვფიქრობ. და ყოველი შემთხვევისთვის, ის არავის შეუჩერებია“, უთხრა პუტინმა რეჟისორ ოლივერ სტოუნს ფილმში, რომელიც ტელეარხ Showtime-ზე იქნა ნაჩვენები.

მან აღნიშნა, რომ რუსეთში გაკვირვებული დარჩნენ, „როცა სააკაშვილის ქმედებები არა მარტო მხარდაჭერილი აღმოჩნდა, არამედ ფაქტობრივად, დასავლეთში მასობრივი ინფორმაციის საშუალებები შეეცადნენ ამის ისე წარმოჩენას, რომ ეს, რუსეთი დაესხა თავს საქართველოს“.

„მე შემდეგ ჩემს ყურებს და თვალებს არ დავუჯერე, როცა ვიხილე, რომ დასავლური მასობრივი ინფორმაციის საშუალებები თავდასხმაში რუსეთს ადანაშაულებდნენ. და მთავარი აქ ისაა, რომ ეს მილიონობით ადამიანმა ირწმუნა. არადა, ბატონმა სააკაშვილმა საჯაროდ განაცხადა იმის შესახებ, რომ მან გასცა ჯარების მიმართ ბრძანება, დაეწყოთ ეს აქცია“, აღნიშნა პუტინმა.