პორტუგალიამ სამდღიანი გლოვა გამოაცხადა მას შემდეგ, რაც ქვეყნის ცენტრალურ ნაწილში მდებარე ტყეში გაჩენილმა კატასტროფულმა ხანძარმა 63 ადამიანის სიცოცხლე შეიწირა. ინფორმაციას ბრიტანული სამაუწყებლო კორპორაცია (BBC) ოფიციოზზე დაყრდნობით ავრცელებს.
მსხვერპლთა შორის 4 ბავშვია. მთავრობის მიერ გავრცელებული ინფორმაციის თანახმად, ბევრი მათგანი მაშინ დაიღუპა, როცა კოიმბრას სამხრეთ-აღმოსავლეთით 50 კილომეტრში მდებარე Pedrógão Grande-იდან გაქცევას ადამიანები თავიანთი ავტომანქანებით ცდილობდნენ.
„სამწუხაროდ, ჩანს, რომ ეს არის ყველაზე დიდი ტრაგედია, რაც ჩვენ ტყეში გაჩენილი ხანძრის შედეგად ბოლო წლებში გვიხილავს“, განაცხადა პორტუგალიის პრემიერ მინისტრმა, ანტონიო კოსტამ, რომლის თქმითაც, ჩანს, რომ ტყის ხანძარი მეხის დაცემამ გამოიწვია.
ხანძრის შედეგად დაშავებულ 54 ადამიანს შორის რამდენიმე მეხანძრეა. ხანძრის ჩაქრობას 600-ზე მეტი მეხანძრე ჯერ კიდევ ცდილობს.
სახელმწიფო მდივანმა ჯორჯ გომესმა განაცხადა, რომ უმეტესობა კვამლის ჩასუნთქვის და დამწვრობის შედეგად გარდაიცვალა, მაშინ როცა ორი ხანძართან კავშირში მყოფი საგზაო ინციდენტისას დაიღუპა.
შიშობენ, რომ დაღუპულთა რიცხვი გაიზრდება, რადგან რამდენიმე ადამიანი ჯერ კიდევ იძებნება.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIAN.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
ამერიკის შეერთებული შტატების არჩეულმა პრეზიდენტმა დონალდ ტრამპმა ჯანდაცვისა და სოციალური მომსახურების მდივნად ვაქცინაციის მიმართ სკეპტიკურად განწყობილი რობერტ ფიცჯერალდ კენედი უმცროსი, პრეზიდენტ ჯონ კენედის ძმისშვილი დაასახელა, რითაც დაასრულა დიდი ხნის მითქმა-მოთქმა კენედის გარშემო იმის შესახებ, თუ რა თანამდებობას დაიკავებდა იგი ტრამპის ადმინისტრაციაში.