ამერიკის შეერთებული შტატების პრეზიდენტმა, დონალდ ტრამპმა განაცხადა, რომ მას ვაშინგტონში „ძალიან, ძალიან კარგი განხილვები“ ჰქონდა მის უკრაინელ კოლეგასთან, პეტრო პოროშენკოსთან.

ხანმოკლე შეხვედრისას, რომელსაც „შევლითი“ შეხვედრა უწოდეს, მათ „აღმოსავლეთ უკრაინაში კონფლიქტის მშვიდობიანი გზით გადაწყვეტის მხარდაჭერა“ განიხილეს, როგორც ამას BBC თეთრ სახლე დაყრდობით იუწყება.

2014 წლის შემდეგ უკრაინა მისი ტეროტორიის აღმოსავლეთ ნაწილში რუსების მიერ მხარდაჭერილ ამბოხებულებს ებრძვის.

როგორც მიმომხილველები აღნიშნავენ, ტრამპის ადრინდელი მოწოდებები შეერთებულ შტატებსა და რუსეთს შორის უკეთესი ურთიერთობების თაობაზე, უკრაინის ხელისუფლების მღელვარების საგანს წარმოადგენდა.

სამშაბათს გამართულ შეხვედრას კი წინ უძროდა ვაშინგტონის მიერ რუსეთის უკრაინაში ქმედებების გამო უფრო მეტი სანქციების გამოცხადება.

თეთრი სახლის ახალი სანქციების სამიზნე 38 ორგანიზაცია და ინდივიდია, მათ შორის რუსეთის მთავრობის და ასევე ყირიმის ოფიციალური პირები - ყირიმის, უკრაინის რეგიონის, რომლის ანექსიაც წლების წინათ რუსეთმა მოახდინა.

რუსეთის საგარეო საქმეთა მინისტრმა, სერგეი ლავროვმა ვაშინგტონის ნაბიჯს „დასანანი“ უწოდა.

მოკლე განცხადებაში, თეთრმა სახლმა თქვა, რომ ორმა ლიდერმა ასევე განიხილეს „პრეზიდენტ პოროშენკოს რეფორმების დღის წესრიგი და ანტიკორუფციული ძალისხმევები“.

სატელევიზიო კომენტარებში, პრეზიდენტმა ტრამპმა უკრაინა აღწერა იმ „ადგილად, სადაც ჩვენ ყველანი ძალიან ვიყავით ჩართული და ჩვენ ვუყურებდით მას და ყველა მის შესახებ კითხულობდა“.

მან დაამატა, რომ „ბევრი პროგრესი იქნა მიღწეული“ უკრაინასა და შეერთებულ შტატებს შორის, თუმცა არ დაუკონკრეტებია დეტალები.

ამასობაში, პოროშენკომ განაცხადა, რომ ამერიკა „ერთ-ერთი ყველაზე საიმედო მხარდამჭერთაგანია“ უკრაინის.

„შევლითი“ შეხვედრა რუსი ანალიტიკოსების მიერ აღწერილ იქნა, როგორც დიპლომატიურად დამამცირებელი უკრაინის პრეზიდენტისთვის.

მაგრამ უკრაინელმა მიმომხილველებმა ხაზი გაუსვეს შეხვედრის მნიშვნელობას იმ ფონზე, როცა ივლისში, გერმანიაში, ტრმპსა და რუსეთის პრეზიდენტს, ვლადიმერ პუტინს შორის „დიდი ოცეულის“ შეკრებაზე, შეხვედრა უნდა გაიმართოს.