შეერთებული შტატების პრეზიდენტი დონალდ ტრამპი მის რუს კოლეგას, ვლადიმერ პუტინს პირველად შეხვდა გერმანიის ქალაქ ჰამბურგში, დიდი ოცეულის სამიტის დაწყების წინ, მოგვიანებით კი ორი ქვეყნის ლიდერებს პირისპირ შეხვედრა ექნება.

მათ ორთავემ განაცხადეს, რომ სურთ გამოსწორება ურთიერთობების, რომელიც სირიისა და უკრაინის კრიზისის და ასევე რუსეთის აშშ-ის 2016 წლის საპრეზიდენტო არჩევნებში სავარაუდო ჩარევის გამო დაზიანდა.

დიდი ოცეულის სამიტის წინა დღეს 76-მა პოლიციის ოფიცერმა მიიღო დაზიანებები პროტესტანტებთან შეხლა-შემოხლისას. შეტაკებები დემონსტრანტებსა და პოლიციელებს შორის პარასკევსაც გაგრძელდა.

რუსულმა მედიამ განაცხადა, რომ პუტინსა და ტრამპს შორის შეხვედრა 1 საათი გაგრძელდება, მაგრამ მოგვიანებით გავრცელებული ცნობების თანახმად, ის დაახლოებით, ნახევარი საათი გაგრძელდება.

მოელიან, რომ პრეზიდენტები ძირითადად სირიისა და უკრაინის საკითხებზე მოახდენენ ფოკუსირებას.

შეხვედრამდე ერთი დღით ადრე, შეერთებული შტატების პრეზიდენტმა, დონალდ ტრამპმა მოუწოდა რუსეთს შეაჩეროს უკრაინის და სხვა ქვეყნების „დესტაბილიზაცია“ და დაასრულოს „მტრული რეჟიმების“, ისეთის, როგორიცაა სირია და ირანი, მხარდაჭერა.

პოლონეთის დედაქალაქ ვარშავაში საუბრისას ტრამპმა დაჟინებით მოუწოდა რუსეთს „შეუერთდეს პასუხისმგებლიანი სახელმწიფოების რიგებს“ და „საერთო მტრებთან ბრძოლას თავისივე ცივილიზაციის დასაცავად“.

კრემლს საპასუხო კომენტარები არ გაუკეთებია.

აშშ-ის პრეზიდენტი გერმანიის ქალაქ ჰამბურგში დიდი ოცეულის სამიტზე, მსოფლიოს სხვა ლიდერების გარდა, რუსეთის პრეზიდენტს, ვლადიმერ პუტინს პარასკევს პირველად შეხვდება.