შეერთებული შტატების პრეზიდენტმა, დონალდ ტრამპმა გერმანიაში გამართული „დიდი ოცეულის“ სამიტი „შესანიშნავ წარმატებად“ გამოაცხადა, მიუხედავად მისი ქვეყნის იზოლირებული პოზიციისა კლიმატის ცვლილებაზე.

როგორც BBC იუწყება, ერთობლივ განცხადებაში, 18 სახელმწიფოს ლიდერებმა და ევროკავშირმა აღიარეს შეერთებული შტატების გადაწყვეტილება გამოვიდეს პარიზის კლიმატის ცვლილების შეთანხმებიდან. მიუხედავად ამისა, მათ აღნიშნეს, რომ „დიდი ოცეულის“ სხვა წევრები მტკიცედ ერთგულნი დარჩნენ „შეუქცევადი“ შეთანხმების.

საკითხზე შეუთანხმებლობამ ჰამბურგში მოლაპარაკებების ბოლო დღე გააჭიანურა, მაგრამ ბოლოს და ბოლოს მიღწეულ იქნა შეთანხმება და შაბათს სამიტის ერთობლივი განცხადება ოფიციალურად გამოქვეყნდა.

განცხადებაში ასევე ნათქვამია, რომ შეერთებული შტატები შეეცდება „მჭიდროდ იმუშაოს სხვა ქვეყნებთან, რომ დაეხმაროს მათ უფრო სუფთად და რაციონალურად მიუდგნენ წიარისეულს მისი გამოყენების მიზნით“.