დეკანოზ გიორგი მამალაძის ადვოკატის, მიხეილ რამიშვილის განცხადებით, სასულიერო პირი 6 მაღალჩინოსნის, მათ შორის, საქართველოს პრემიერ მინისტრის, გიორგი კვირიკაშვილის მხრიდან პატივისა და ღირსების შელახვის უარყოფას ითხოვს.
როგორც დეკანოზის ინტერესების დამცველმა ჟურნალისტებს განუცხადა, დაცვის მხარემ 2 სამოქალაქო სარჩელი მოამზადა - ერთი ედიშერ ქარჩავას, ხოლო მეორე - მაღალი პოლიტიკური სტატუსის მქონე პირების მიერ გაკეთებულ განცხადებებს ეხებოდა.
„2 სამოქალაქო სარჩელი დაიწერა ღირსების შელახვისა და მორალური ზიანის ანაზღაურებისთვის. ერთი ეხებოდა საპატრიარქოს იურისტ ედიშერ ქარჩავას, რომელიც გარკვეული შენიშვნებისა და ბრძოლის შემდეგ საქალაქო სასამართლომ მიიღო. ანალოგიური მოთხოვნა ანალოგიური შინაარსით ხელისუფლების მაღალჩინოსნების მიმართაც შევიტანეთ, თუმცა, საქალაქო სასამართომ ეს არ მიიღო. ჩვენ არ გვინდა შერჩევითი სამართლის პრეცედენტი იყო დაშვებული და მივმართეთ სააპელაციო სასამართლოს. საქმე ეხება 6 პირის მიერ პატივისა და ღირსების შელახვის უარყოფას და ერთ-ერთი პირი არის საქართველოს პრემიერ მინისტრი გიორგი კვირიკაშვილი”, განაცხადა მიხეილ რამიშვილმა.
თბილისის საქალაქო სასამართლოში დღეს ე.წ. ციანიდის საქმის არსებითი განხილვა გრძელდება.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIAN.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
ამერიკის შეერთებული შტატების არჩეულმა პრეზიდენტმა დონალდ ტრამპმა ჯანდაცვისა და სოციალური მომსახურების მდივნად ვაქცინაციის მიმართ სკეპტიკურად განწყობილი რობერტ ფიცჯერალდ კენედი უმცროსი, პრეზიდენტ ჯონ კენედის ძმისშვილი დაასახელა, რითაც დაასრულა დიდი ხნის მითქმა-მოთქმა კენედის გარშემო იმის შესახებ, თუ რა თანამდებობას დაიკავებდა იგი ტრამპის ადმინისტრაციაში.