სოჭში საქართველოს დელეგაციის ნაწილი, ოლიმპიური კომიტეტის გენერალური მდივანი ემზარ ზენაიშვილი და ვიცე-პრეზიდენტი მამუკა ხაბარელი უკვე გაემგზავრნენ.

6 თებერვალს კი, ოლიმპიურ თამაშებში მონაწილეობისთვის სოჭს ქართველი სპორტსმენები ესტუმრებიან. ოლიმპიადაში საქართველოს სახელით სამი მოთხილამურე და ერთი მოციგურავე იასპარაზებენ.

საქართველოს ოლიმპიური კომიტეტის ვიცე-პრეზიდენტი მამუკა ხაბარელის განცხადებით, ზამთრის სპორტი საქართველოში განვითარებული არ არის და ამიტომ, ძალიან რთული იქნება მედლებზე საუბარი, მაგრამ როდესაც სპორტსმენს აქვს ოლიმპიური ლიცენზია, მას აქვს შესაძლებლობა წარმატებისთვის ბრძოლისა.

"ჩვენს გუნდში არის ელენე გედევანიშვილი, რომელიც საკმაოდ ტიტულოვანი სპორტსმენია, იგი ორ გზის ევროპის პრიზიორია. შანსი ნამდვილად არსებობს, რომ წარმატებისთვის იბრძოლონ, მაგრამ მედლებისთვის ბრძოლა იქნება თუ არა, ეს სოჭში გამოჩნდება"- განაცხადა ხაბელოვმა.

ოლიმპიური კომიტეტის თავმჯდომარე ლერი ხაბელოვი, ოლიმპიადის განმავლობაში, რუსეთის ფედერაციის სპორტის მინისტრს შეხვდება.

სოჭის ოლიმპიადა 7 თებერვალს, თბილისის დროით 20:15 წუთზე დაიწყება.

თბილისი-სოჭის მიმართულებით ჩარტერულ რეისებს, ოლიმპიადის მანძილძე, ავიაკომპანია "აირზენა" კვირაში ორჯერ შეასრულებს.

http://www.newspress.ge/sazogadoeba/36446-sotcshi-qarthuli-delegaciis-natsili-ukve-gaemgzavra.html