ხონის ადგილობრივი ხელისუფლების წარმომადგენლები, მუნიციპალიტეტის გამგებელი ჯემალ მებუკე, ადმინისტრაციული სამსახურის უფროსი ამირან კინწურაშვილი და საკრებულოს თავმჯდომარის მოადგილე კობა კუბლაშვილი ხონელ სტუდენტებს შეხვდნენ.
შეხვედრის მონაწილეებს შესაძლებლობა ჰქონდათ უშუალოდ ადგილობრივი ხელისუფლების წამომდგენლებისაგან მიეღოთ პასუხები მათთვის საინტერესო შეკითხვებზე და გაეზიარებიათ საკუთარი იდეები და ინიციატივები.
„თქვენ ხართ ხონის იმედი და მომავალი , ჩვენი ხვალინდელი დღე, ამიტომ თქვენი ჩართულობა ადგილობრივი ხელისუფლების პროექტების განხორციელების პროცესში მნიშვნელოვანი და აუცილებელია. საზოგადოებრივ საწყისებზე დაფუძნებული რჩევები, ინიციატივები, მონიტორინგი ნებისმიერ ხელისუფალს წაადგება. იაქტიურეთ, ვითანამშრომლოთ ჩვენი მუნიციპალიტეტის საკეთილდღეოდ", - მოუწოდა სტუდენტებს გამგებელმა ჯემალ მებუკემ.
შეხვედრა გამგებლის ინიციატივით გაიმართა. მსგავსი ღონისძიების მიზანია ახალგაზრდების ჩართულობა თვითმმართველობის განხორციელებაში, მათი როლისა და მნიშვნელობის წარმოჩენა, სტუდენტების ინფორმირება მუნიციპალიტეტში განხორციელებული და მიმდინარე პროექტების შესახებ.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIAN.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
ამერიკის შეერთებული შტატების არჩეულმა პრეზიდენტმა დონალდ ტრამპმა ჯანდაცვისა და სოციალური მომსახურების მდივნად ვაქცინაციის მიმართ სკეპტიკურად განწყობილი რობერტ ფიცჯერალდ კენედი უმცროსი, პრეზიდენტ ჯონ კენედის ძმისშვილი დაასახელა, რითაც დაასრულა დიდი ხნის მითქმა-მოთქმა კენედის გარშემო იმის შესახებ, თუ რა თანამდებობას დაიკავებდა იგი ტრამპის ადმინისტრაციაში.