თერჯოლის მუნიციპალიტეტში 2015–2016 წლების კურსდამთავრებულ მედალოსანთა დაჯილდოვების ცერემონია გაიმართა. 41 წარჩინებულ მოსწავლეს ოქროსა და ვერცხლის მედლები იმერეთში სახელმწიფო რწმუნებულის–გუბერნატორის პირველმა მოადგილემ პაატა ნადირაძემ, თერჯოლის მუნიციპალიტეტის გამგებელის მოვალეობის შემსრულებელმა თემურ ქოჩიაშვილმა და საკრებულოს თავჯმდომარემ ავთანდილ ჩუბინიძემ გადასცეს.

როგორც Guardian.ge-ს თერჯოლის მუნიციპალიტეტის გამგეობიდან აცნობეს, ღონისძიებას ესწრებოდა თერჯოლისა და ტყიბულის გაერთიანებული ოლქის მაჟორიტარი დეპუტატი ელგუჯა გოცირიძე, რომელმაც კიდევ ერთხელ გაუსვა ხაზი განათლების მნიშვნელობას და 1-ლი საჯარო სკოლის პედაგოგს, რომლის სადამრიგებლო კლასში 7 მედალოსანი კურსდამთავრებულია, ფულადი ჯილდო გადასცა.

ღონისძიების ფარგლებში ქ. თერჯოლაში 2 შადრევანი და ახალი სკვერი გაიხსნა, სადაც საქართველოს ერთიანობისათვის დაღუპულ გმირთა სახელობის მემორიალია განთავსებული. სკვერისა და მემორიალის პროექტი ადგილობრივ მეწარმეთა ფინანსური მხარდაჭერით განხორციელდა.

ღონისძიებაში მონაწილეობდნენ თერჯოლის მუნიციპალიტეტის გამგებლის მოადგილეები კახაბერ კუპატაძე და მანუჩარ რობაქიძე, საკრებულოს თავმჯდომარის მოადგილე სოფიო ბუსკივაძე, ქ. თერჯოლის მაჟორიტარი დეპუტატი საკრებულოში გიორგი ლილუაშვილი, თერჯოლისა და ტყიბულის გაერთიანებული ოლქის მაჟორიტარი დეპუტატის ელგუჯა გოცირიძის ბიუროს ხელმძღვანელი ვალერიან ლილუაშვილი, თერჯოლის რესურსცენტრის უფროსი ქეთევან შეყრილაძე და მუნიციპალიტეტის სხვა ხელმძღვანელი პირები.