უახლოეს მომავალში თურქმენეთში საქართველოს პრემიერ-მინისტრის ოფიციალური ვიზიტი იგეგმება, - დაგეგმილი ვიზიტისა და ორმხრივი თანამშრომლობის შესახებ გიორგი კვირიკაშვილმა და თურქმენეთის მინისტრთა კაბინეტის თავმჯდომარის მოადგილემ, საგარეო საქმეთა მინისტრმა რაშიდ მერედოვმა დღევანდელ შეხვედრაზე ისაუბრეს.
პრემიერ მინისტრის პრესსამსახურის მიერ გავრცელებული ინფორმაციის თანახმად, მხარეებმა ორ ქვეყანას შორის ურთიერთობების გაღრმავების მზადყოფნა გამოთქვეს.
ყურადღება დაეთმო ორმხრივი თანამშრომლობის განვითარებას ეკონომიკის, ტრანსპორტისა და ენერგეტიკის სფეროში, ასევე - პროექტ „თეთრ ნაკადს".
პრემიერმა ხაზგასმით აღნიშნა საქართველოს სატრანზიტო პოტენციალი, ქვეყნის მონაწილეობა რეგიონული მნიშვნელობის სტრატეგიულ პროექტებში, აგრეთვე - ქვეყნის როლი ახალი აბრეშუმის გზის ინიციატივაში.
გიორგი კვირიკაშვილმა თურქმენეთის საგარეო საქმეთა მინისტრი თბილისის აბრეშუმის გზის ფორუმში მონაწილეობის მისაღებად მოიწვია, რომელიც მიმდინარე წლის შემოდგომაზე გაიმართება.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIAN.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
ამერიკის შეერთებული შტატების არჩეულმა პრეზიდენტმა დონალდ ტრამპმა ჯანდაცვისა და სოციალური მომსახურების მდივნად ვაქცინაციის მიმართ სკეპტიკურად განწყობილი რობერტ ფიცჯერალდ კენედი უმცროსი, პრეზიდენტ ჯონ კენედის ძმისშვილი დაასახელა, რითაც დაასრულა დიდი ხნის მითქმა-მოთქმა კენედის გარშემო იმის შესახებ, თუ რა თანამდებობას დაიკავებდა იგი ტრამპის ადმინისტრაციაში.