თბილისში საზღვარგარეთ საქართველოს დიპლომატიური წარმომადგენლობების ხელმძღვანელთა ყოველწლიური შეკრების მონაწილეებს საპატიო სტუმრის სტატუსით უკრაინის საგარეო საქმეთა მინისტრმა პავლო კლიმკინმა მიმართა.

საქართველოს საგარეო საქმეთა სამინისტროს ინფორმაციით, უკრაინის საგარეო საქმეთა მინისტრმა უკრაინასა და საქართველოს შორის არსებული ხანგრძლივი, ისტორიულად მეგობრული ურთიერთობების, საერთო მიზნებისა და ერთობლივი გამოწვევების შესახებ ისაუბრა და აღნიშა, რომ ქართველ და უკრაინელ ერს საერთო ფასეულობები, იდეოლოგია და მიზნები აერთიანებს.

მან რწენა გამოთქვა, რომ უკრაინელ და ქართველი ხალხს შესწევს უნარი, მიუხედავად სირთულეებისა, ევროპული და ევროატლანტიკური ინტეგრაციის გზაზე მსვლელობა განაგრძონ და დასახულ მიზანს მიაღწიონ, რის დასტურადაც მან ორივე ქვეყნის მიერ ევროკავშირთან ასოცირების ხელშეკრულების ფარგლებში მჭიდრო თანამშრომლობა და საქართველოს და უკრაინის მოქალაქეებისთვის ევროკავშირის/შენგენის სივრცეში უვიზოდ მიმოსვლის მინიჭება დაასახელა.

პავლო კლიმკინმა ასევე, დღეს საქართველოსა და უკრაინის პრეზიდენტების მიერ ხელმოწერილი „საქართველოსა და უკრაინას შორის სტრატეგიული ურთიერთობების შესახებ დეკლარაციის“ მნიშვნელობაზე ისაუბრა: „ ეს არ არის უბრალო დოკუმენტი, არამედ წარმოადგენს კონკრეტულ იდეას იმის შესახებ, თუ როგორ უნდა გამოვიყენოთ ჩვენ სტრატეგიული პარტნიორიობა საერთო მიზნებისთვის, ევროატლანტიკური ინტეგრაციისთვის.

სამწუხაროდ ჩვენ არ გვეყოლება ბევრი მოკავშირე ამ გზაზე, მაგრამ გვეყოლება საუკეთესო მოკავშირე, რთული სამყაროს გათვალისწინებით, არ გვეყოლება ბევრი მეგობარი, მაგრამ გვეყოლება საუკეთესო მეგობარი და ჩვენ უნდა გამოვიყენიოთ ჩვენი უნიკალური რესურსი, ერთმანეთის მიმართ მიმართ სიმპათია და თანადგომა ამ გზაზე“, განაცხადა პავლო კლიმკინმა.

„ დღეს საქართველოს და უკრაინების მიერ ხელი მოეწერა დეკლარაციას საქართველოსა და უკრაინას შორის სტრატეგიული ურთიერთობების შესახებ, რომელიც მიზნად ისახავს ორ ქვეყანას შორის მჭიდრო პოლიტიკური და ეკონომიკური ურთიერთობების შემდგომ განვითარებას; ამასთან, საერთო ინტერესებისა და ქვეყნების წინაშე არსებული მსგავსი გამოწვევების გათვალისწინებით, მხარეებს შორის ორმხრივ და მრავალმხრივ ფორმატებში არსებული მჭიდრო პარტნიორული თანამშრომლობის კიდევ უფრო განმტკიცებას", ნათქვამია საგარეო საქმეთა სამინისტრო მიერ გავრცელებულ ინფორმაციაში.