ხონში მიმდინრე ინფრასტრუქტურული პროექტები - გზების რეაბილიტაცია, საცხოვრებელი კორპუსების ფასადების კეთილმოწყობა, სოფლების ივანდიდის, კონტუათისა და ნახახულევის გაზიფიცირება, ივნისის სტიქიის სალიკვიდაციო სამუშაოებთან დაკავშირებული საორგანიზაციო საკითხები - ეს ის ძირითადი თემები იყო, რომლებზეც ხონის მუნიციპალიტეტის ოთხშაბათის ტრადიციულ თათბირზე იმსჯელეს.

გამგებელმა ჯემალ მებუკემ სამსახურების, აიპების ხელმძღვანელებისაგან და ადმინისტრაციული ერთეულებში წარმომადგენლებისაგან გასული კვირის ანგარიში მოისმინა.

საუბარი შეეხო სოფელ ღვედში მდებარე ქუთაისი-წყალტუბო-ცაგერი-ლენტეხი-ლასდილის საავტომობილო გზის 37-ე კმ-ზე არსებულ სახიდე გადასასვლელის დაზიანებულ მონაკვეთს, რომლის სარეაბილიტაციო სამუშაოები უკვე დაწყებულია.

ხონის მუნიციპალიტეტის ინფორმაციით, პროექტი რეგიონული განვითარების ფონდიდან დაფინანსდა და სამუშაოებს შპს ,,როსტვერკი,, აწარმოებს.

დღესვე, კინჩხის ადმინისტრაციული ერთეულის წარმომადგენელმა სოფელ კინჩხაში, ტურისტულ ზონაში ნაგვის ურნების დამატების საკითხი დასვა.

თათბირის დასასრულს გამგებელმა განსაკუთრებული მითითებები ინფრასტრუქტურის, ზედამხედველობისა და კომუნალურ სამსახურებს მისცა: „მიმდინარეობს ძირითადი ინფრასტრუქტურული პროექტების განხორციელება და ყველა სპეციალისტმა მაქსიმალური ყურადღება გამოიჩინეთ და კომპეტენციის ფარგლებში მეთვალყურეობა და ზედამხედველობა გაუწიეთ პროცესს.

გარდა ამისა, ზაფხული ტურისტული სეზონი ჩვენ მოდუნების საშუალებას არ გვაძლევს და ვიზრუნით რომ სუფთად და ღირსეულად დავხვდეთ ყველა ვიზიტორსა თუ სტუმარს", განაცხადა ჯემალ მებუკემ.