მძღოლმა თავისი ახალთახალი, 1 საათის წინ ნაყიდი 200,000-ფუნტიანი, „ფერარის“ მაღალი სიჩქარით მართვისას კონტროლი დაკარგა, ავტომაგისტრალიდან გადაუხვია და მინდორში აღმოჩნდა, რის შემდეგაც ავტომანქანა მალე ცეცხლში გაეხვა.
როგორც BBC იუწყება, ძვირადღირებული ფერარი „სკუდერია 430“ ინგლისში, ხუთშაბათს, შუადღისას, სამხრეთ იორკშირში რამდენიმეჯერ ამოტრიალდა და ავტომაგისტრალიდან გადავარდა. ავტომობილმა 50 მეტრი გაიარა და შემდეგ მთლიანად ცეცხლში გაეხვა, რომელიც მეხანძრეებმა ჩააქრეს.
ავტომანქანიდან გადმოსვლისას მძღოლს მხოლოდ დაჟეჟილობები და ჭრილობები აღენიშნებოდა.
პოლიციამ აღწერა, თუ როგორ აიჭრა ჰაერში მანქანა.
სამხრეთ იორკშირის პოლიციის დეპარტამენტმა „ფეისბუქზე“ განაცხადა: „ოფიცრებმა ჰკითხეს რა მარკის ავტომობილი ჰყავდა დაზარალებულს. მან უპასუხა, რომ ავტომობილი ფერარი გახლდათ.“
„მძღოლმა ბოლოს დაამატა, რომ ეს ავტომობილი მხოლოდ ერთი საათის ნაყიდი ჰქონდა“.
(ახალი ფერარი „სკუდერია 430“)
პოლიცია დაჟინებით მოუწოდებს მძღოლებს უფრო ფრთხილად იარონ გზებზე.
„გასულ კვირებში იყო რამდენიმე დაჯახება, როდესაც ტარების სტილზე გავლენა არ მოუხდენია გზებს და ამინდს. გთხოვთ, უფრო ფრთხილად იაროთ.“
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIAN.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
ამერიკის შეერთებული შტატების არჩეულმა პრეზიდენტმა დონალდ ტრამპმა ჯანდაცვისა და სოციალური მომსახურების მდივნად ვაქცინაციის მიმართ სკეპტიკურად განწყობილი რობერტ ფიცჯერალდ კენედი უმცროსი, პრეზიდენტ ჯონ კენედის ძმისშვილი დაასახელა, რითაც დაასრულა დიდი ხნის მითქმა-მოთქმა კენედის გარშემო იმის შესახებ, თუ რა თანამდებობას დაიკავებდა იგი ტრამპის ადმინისტრაციაში.