ტყიბულის მუნიციპალიტეტის გამგეობის სააქტო დარბაზში 2015-2016 სასწავლო წლის წარჩინებულ კურსდამთვრებულთა მედლებით დაჯილდოება გაიმართა.

15 ოქროსა და 9 ვერცხლის მედალოსანს, მედლები და სიგელები მუნიციპალიტეტის გამგებელმა რობიზონ გვენეტაძემ, საკრებულოს თავმჯდომარემ, თამაზ კუბლაშვილმა და ტყიბულის საგანმანათლებლო რესურსცენტრის უფროსმა, ირინა კორძაიამ გადასცეს.

ღონისძიებას ტყიბულისა და თერჯოლის მაჟორიტარი დეპუტატი ელგუჯა გოცირიძე ესწრებოდა, რომელმაც ერთიან ეროვნულ გამოცდებზე ყველაზე მაღალი ქულებით ჩარიცხულ სტუდენტს, უჩა ჩიტიძეს საკუთარი ხელფასიდან სტიპენდია დაუნიშნა. სიგელებით ასევე დაჯილდოვდნენ წარჩინებულ მოსწავლეთა მშობლები და ქ. ტყიბულის №1, №6 და სოფლების: გურნის, ხრესილისა და ორპირის საჯარო სკოლების დირექტორები.

რობიზონ გვენეტაძემ მედალოსნებს ცხოვრების ახალ ასპარეზზე წარმატებები უსურვა და მათ მუნიციპალიტეტის გამგეობის სახელით ფულადი ჯილდო 100-100 ლარი გადასცა.

ინფორმაციას ტყიბულის მუნიციპალიტეტის გამგეობა ავრცელებს.