მესტიაში 29 ივლისს ფესტივალი „სვანეთობა 2017“ გაიმართა. ფესტივალმა რეგიონულ ფოლკლორულ ფესტივალ „ფუძეობა“-ს უმასპინძლა, რომლის ფარგლებშიც, მესტიის მუნიციპალიტეტის გამგეობის ცნობით, სეტის სკვერში ტრადიციული სვანური სამზარეულოსა და ხალხური რეწვის ნიმუშების გამოფენა მოეწყო.

გამოფენის ფარგლებში სხვადასხვა ნომინაციაში გამარჯვებული ტერიტორიული ერთეულები გამოვლინდნენ, რომელთა დაჯილდოების ცერემონიას მესტიის გამგებელი კაპიტონ ჟორჟოლიანი წარუძღვა.

„საუკეთესო სამზარეულოს წარმოჩენისთის დაჯილდოვდა იდლიანის ტერიტორიული ერთეული, საუკეთესო ტრადიციული ნომრის შესრულებისთვის ლატალის ტერიტორიული ერთეული, ხოლო საუკეთესო გამოფენისთვის მულახის ტერიტორიული ერთეული. მათ სიგელები და სპეციალურად მათთვის დამზადებული ჩონგურები გადაეცათ. გამოფენაში მონაწილე ლახამულისა და ჭუბერის ტერიტორიულ ერთეულებს გამორჩეული სამზარეულოს წარმოდგენისთვის კი, სვანეთის მუზეუმზე კატალოგი გადაეცათ.

კატალოგები გადასცეს ასევე ჩამოსულ სტუმრებს, „დარპანი“-ს, „ჰარირა“-ს და „ათინათი“-ს.

ფრანგების მუსიკალურმა ჯგუფმა გამოთქვა კონცერტში მონაწილეობის მიღების სურვილი, რომელთაც მაყურებელს შესთავაზეს 10 ნომერი, კონცერტის დასრულებისას ჯგუფის მონაწილეები წიგნებით დაჯილდოვდნენ.

გამოვლინდა წლის საუკეთესო სვანეთის მოქალაქე, რომლის ტიტულიც ადილარ ჩართოლანს მიენიჭა და სიგელი გადაეცა.

გარდა ამისა, „ფინკა“ ბანკმა კი ახალგაზრდა მეწარმეს, მარიამ რეზესიძეს წახალისებისთვის დეპოზიტი გაუხსნა", აღნიშნულია მესტიის გამგეობის მიერ გავრცელებულ ინფორმაციაში.

გამოფენის პარალელურად, ანსამბლების, „ქალთიდი", „ლატალი", „რიჰო", „ჰარირა" და ა.შ. კონცერტი მიმდინარეობდა.

„სვანეთობა 2017“ გრანდიოზული კონცერტით ანსამბლმა „ერისიონმა" დახურა.