ისტორიული პეტრას ციხე-ქალაქის ტერიტორიაზე, განახლებული არქეოლოგიური სამუშაოების შედეგად, უნიკალური მასალები აღმოაჩინეს.
საქართველოს კულტურული მემკვიდრეობის დაცვის ეროვნული სააგენტოს ცნობით, არქეოლოგიური მასალა, რომელიც ციხის ერთ-ერთ კოშკში იქნა აღმოჩენილი, ახალი წელთაღრიცხვის VI საუკუნით თარიღდება.
„გაირკვა, რომ კოშკი დაიწვა და დაინგრა, იმ პერიოდში ეგრისის სამეფოს ტერიტორიაზე წარმოებული სასტიკი ბრძოლის დროს.
კოშკში აღმოჩენილი მრავალრიცხოვანი არქეოლოგიური მასალიდან აღსანიშნავია: რკინის საბრძოლო ცულები, სატევრები, შუბისპირები, ისრისპირები, მუზარადი, ჯაჭვის პერანგისა და ფარის ნაშთები, მონეტები(95 ცალი); მრავალრიცხოვანი კერამიკული ნაწარმი. აქვე აღმოჩნდა ადამიანის დამწვარი ძვლების ფრაგმენტები, რაც იმაზე მეტყველებს, რომ მებრძოლები ციხის დაცვას შეეწირნენ.
კოშკის დაწვისა და დანგრევის შემდეგ, მისი აღდგენა აღარავის უცდია. ამის გამო, უცვლელად იქნა შემონახული პეტრას ციხეზე VI საუკუნეში წარმოებული სასტიკი ბრძოლის შედეგები.
აღმოჩენილი არტეფაქტები მნიშვნელოვანი წყაროა ეგრისის სამეფოს ისტორიისათვის; კოშკში აღმოჩენილი მასალა ასევე საინტერესოა იმდროინდელი საბრძოლო ტაქტიკის, ბრძოლის მეთოდებისა თუ საომარი აღჭურვილობის შესასწავლად", აღნიშნულია კულტურული მემკვიდრეობის დაცვის ეროვნული სააგენტოს ინფორმაციაში.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIAN.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
ამერიკის შეერთებული შტატების არჩეულმა პრეზიდენტმა დონალდ ტრამპმა ჯანდაცვისა და სოციალური მომსახურების მდივნად ვაქცინაციის მიმართ სკეპტიკურად განწყობილი რობერტ ფიცჯერალდ კენედი უმცროსი, პრეზიდენტ ჯონ კენედის ძმისშვილი დაასახელა, რითაც დაასრულა დიდი ხნის მითქმა-მოთქმა კენედის გარშემო იმის შესახებ, თუ რა თანამდებობას დაიკავებდა იგი ტრამპის ადმინისტრაციაში.