დუშეთს პროექტის „გახდი გადაწყვეტილების მიმღები ადგილობრივი თვითმმარათველობის განხორციელების პროცესში'' სამუშაო ვიზიტად კასპის მუნიციპალიტეტის გამგებელი გოჩა გოჩიტაშვილი და ევროპის საბჭოს ექსპერტები მელანი სტივენსი და ოლვენ ბორნი სტუმრობდნენ.

დუშეთის გამგეობის ცნობით, შეხვედრის მიზანს პროექტის განხორციელების პროცესში სამუშაო ჯგუფის მეთოდოლოგიური მხარდაჭერა და მსგავსი ინიციატივების განმახორციელებელ გამგებლებს შორის გამოცდილების გაზიარება წარმოადგენდა.

„შეხვედრაზე განხილული იქნა პროექტების მიმდინარეობისას წარმოქმნილი პრობლემები, იდენტიფიცირდა საუკეთესო პრაქტიკები. შეხვედრის შედეგების გავრცელება დაგეგმილია რეგიონული შეხვედრისას, რომელიც 2017 წლის ბოლოს გაიმართება.

პროექტით „გახდი გადაეყვეტილების მიმღები ადგილიბრივი თვითმმართველების პროცესში'' დუშეთმა ევროკავშირისა და ევროსაბჭოს ერთობლივ საგრანტო კონკურსში „პარტნიორობა კარგი მმართველობისათვის'' 2016 წლის დეკემბერში გაიმარჯვა. პროექტის მიზანია, კრეატიული და თანამედროვე პრაქტიკების დანერგვით მოქალაქეთა მაქსიმალური ჩართულობის უზრუნველყოფა ადგილობრივი თვითმმართველობის განხორციელების პროცესში.

დუშეთის მუნიციპალიტეტთან ერთად, აღნიშნულ კონკურსში საქართველოდან არჩეული იქნა კასპისა და თიანეთის საპროექტო წინადადები. სამუშაო შეხვედრას პროექტზე მომუშავე ჯგუფთან ერთად, რომლის მენეჯერიც ადგილობრივ დონეზე დუშეთის მუნიციპალიტეტის გამგებელი ვაჟა ჩოხელია, ეროვნულ დონეზე პროექტის კონსულტანტი გიორგი მესხიძე ესწრებოდა“, აღნიშნულია დუშეთის გამგეობის მიერ გავრცელებულ ინფორმაციაში.