Hyperloop One-მა ნევადას უდაბნოში მაღალსიჩქარიანი მომავლის სატრანსპორტო სისტემის უკანასკნელი გამოცდა განახორციელა.

„ნიუსვიკის“ ცნობით, XP-1 სამგზავრო კაფსულა, რომელიც დაახლოებით 8,5მ სიგრძისაა და ალუმინისა და ნახშირის ელექტროდის ბოჭკოსაგან არის დამზადებული, თავის უმაღლეს სიჩქარეს მხოლოდ 5 წამში მიაღწია - 300 მეტრი გაიარა, სანამ სვლას შეანელებდა. მიუხედავად იმისა, რომ 192 მილი/საათში (309 კმ/საათში) შესაძლოა სწრაფი ჩანდეს, Hyperloop One-ის შემქმნელებს საბოლოოდ იმის იმედი აქვთ, რომ შეძლებენ მგზავრების გადაადგილებას 750 მილი/სთ (1,207 კმ/საათში) სიჩქარით.

XP-1-ის აწევა 500 მეტრი სიგრძის ბეტონის საცდელ მილში გავლით მოხდა, რომელსაც ენერგიას ელექტრომამოძრავებელი ძალის სისტემა აძლევს და რომელიც მილში ჰაერის ზეწოლის უკმარისობით არის ხელშწყობილი.

ელონ მასკმა hyperloop-ის იდეა პირველად 2012 წამოაყენა, მიმდინარე წლის ივლისში კი „თვითერზე“ დაწერა, რომ მისმა კომპანიამ სიტყვიერი მოწონება მიიღო მთავრობისაგან იმის შესახებ, რომ აეშენებინა hyperloop-ი, რომელიც ნიუ იორკს, ფილადელფიას, ბალტიმორს და ვაშინგტონ დი-სის დააკავშირებდა.

Hyperloop One-ი წარმატებულ გამოცდას იმის მანიშნებლად მიიჩნევს, რომ კონცეფცია ვარგისია და მომავალში კომპანია იმუშავებს გადაწყვიტოს პრაქტიკული საკითხები, ისეთი როგორიცაა მაგალითად ის, თუ როგორ უნდა შეიყვანოს და გამოიყვანოს კაფსულები მილში ისე, რომ არ დაკარგოს მილის თითქმის უჰაერო სივრცის ზეწოლის მდგომარეობა. კაფსულის სიჩქარის გაზრდა კი შემდგომი ეტაპი იქნება.