მარტვილის მუნიციპალიტეტის ადგილობრივი ხელისუფლების წარმომადგენლებმა რუსეთ-საქართველოს აგვისტოს ომში გარდაცვლილთა ხსოვნას პატივი მიაგეს, დაღუპულთა ხსოვნის მემორიალი და საფლავები ყვავილებით შეამკეს.

9 წლის წინ 2008 წლის 8 აგვისტოს რუსულ აგრესიას ოთხი მარტვილელი ახალგაზრდა შეეწირა:

გელა ჭედია - მაიორი, საქართველოს შეიარაღებული ძალების მეხუთე ბრიგადის 53-ე ბატალიონის მეთაური;

პაატა კოპალიანი - მესამე ბრიგადის საინჟინრო ბატალიონის ასეულის სერჟანტი;

გიზო წულაია - გორის სატანკო ბატალიონის კაპრალი;

ბესიკ ხულორდავა - შსს მარტვილის რაიონული სამმართველოს ოფიცერი, ლეიტენანტი.

მუნიციპალიტეტის გამგეობამ დაღუპულთა ოჯახებს 500-500 ლარი გადასცა.

მარტვილის მუნიციპალიტეტის ტრიფონ ხუხუას სახელობის კულტურის სახლში ჩატარდა ლიტერატურულ - მუსიკალურ კომპოზიცია „სამშობლო ჯილდოცაა და სასჯელიც", რომელშიც მარტვილელი ახალგაზრდები მონაწილეობდნენ. ღონისძიება მარტვილის მუნიციპალიტეტის გამგეობის ორგანიზებით გაიმართა და აგვისტოს ომში სამშობლოსათვის თავდადებულ გმირთა ნათელ ხსოვნას მიეძღვნა.

ინფორმაცის მარტვილის გამგეობა ავრცელებს.