ამერიკის შეერთებული შტატების სახელმწიფო დეპარტამენტი რუსეთის პრეზიდენტის, ვლადიმერ პუტინის ქართულ რეგიონში, ოკუპირებულ აფხაზეთში ვიზიტს გმობს და დაჟინებით მოუწოდებს მოსკოვს გაიყვანოს თავისი ძალები საქართველოს ოკუპირებული რეგიონებიდან და დაუბრუნდეს ომის წინანდელ პოზიციებს, 2008 წლის ცეცხლის შეწყვეტის შეთანხმების შესაბამისად და ამავე დროს უკან წაიღოს საქართველოს რეგიონების, აფხაზეთის და სამხრეთ ოსეთის აღიარება.

„შეერთებული შტატები პრეზიდენტ პუტინის რუსეთის მიერ ოკუპირებულ ქართულ ტერიტორიაზე, აფხაზეთში ვიზიტს უყურებს, როგორც შეუსაბამოს და წინააღმდეგობრივს, რომელიც ჟენევის საერთაშორისო დისკუსიებს უდევს საფუძვლად, რისი ნაწილიც არის რუსეთი. შეერთებული შტატები სრულად უჭერს მხარს საქართველოს სუვერენიტეტს და ტერიტორიულ მთლიანობას მის საერთაშორისოდ აღიარებული საზღვრების ფარგლებში და უარყოფს რუსეთის მიერ აფხაზეთის და სამხრეთ ოსეთის აღიარებას. შეერთებული შტატები დაჟინებით მოუწოდებს რუსეთს გაიყვანოს თავისი ძალები და დაუბრუნდეს ომის წინანდელ პოზიციებს, 2008 წლის ცეცხლის შეწყვეტის შეთანხმების შესაბამისად და უკან წაიღოს საქართველოს რეგიონების, აფხაზეთის და სამხრეთ ოსეთის აღიარება“, ნათქვამია აშშ-ის სახელმწიფო დეპარტამენტის განცხადებაში.