საქართველოს რეგიონული განვითარებისა და ინფრასტრუქტურის მინისტრი ზურაბ ალავიძე გურიისა და რაჭა-ლეჩხუმ-ქვემო სვანეთის გუბერნატორების გადადგომასთან დაკავშირებით აცხდებს, რომ ეს „დინამიკური პროცესია და ცვილილებები ხდება, ამაში გასაკვირი არაფერია“.
მისი თქმით, რაც შეეხება გია სალუქვაძისა და პაპუნა მარგველაძის შემცვლელებს, „როგორც სხვა გუბერნატორები შევარჩიეთ, ანალოგიურად შევარჩევთ მათაც“.
„ინფრასტრუქტურის სამინისტროშიც ახალი გუნდი მუშაობს. ეს ჩვეულებრივი პროცესია, რამდენიმე გუბერნატორი შეიცვალა. ისინი სხვადასხვა სამსახურებში გადავიდნენ, სამსახურის გარეშე არავინ დარჩენილა. ახლა იცვლება კიდევ ორი გუბერნატორი. ისინიც ცხოვრებას აგრძელებენ და ისეთ სამსახურებში გადადიან, რომელიც მათთვის კომფორტულია. ერთი კერძო სექტორში გადადის (თუ არ ვცდები), მეორე - ფინანსთა სამინისტროში. დინამიკური პროცესია და ცვილილებები ხდება, ამაში გასაკვირი არაფერია. რაც შეეხება ახალ გუბერნატორებს, როგორც სხვა გუბერნატორები შევარჩიეთ, ანალოგიურად შევარჩევთ მათაც. კარგ გუბერნატორებს მივიღებთ. რეგიონების ხელმძღვანელები არიან მთავრობის წარმომადგენლები რეგიონებში და აქედან გამომდინარე, ისინი ძალიან აქტიურად იქნებიან სივრცითი მოწყობის პროცესებში ჩართული“, განაცხადა ზურაბ ალავიძემ.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIAN.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
ამერიკის შეერთებული შტატების არჩეულმა პრეზიდენტმა დონალდ ტრამპმა ჯანდაცვისა და სოციალური მომსახურების მდივნად ვაქცინაციის მიმართ სკეპტიკურად განწყობილი რობერტ ფიცჯერალდ კენედი უმცროსი, პრეზიდენტ ჯონ კენედის ძმისშვილი დაასახელა, რითაც დაასრულა დიდი ხნის მითქმა-მოთქმა კენედის გარშემო იმის შესახებ, თუ რა თანამდებობას დაიკავებდა იგი ტრამპის ადმინისტრაციაში.