აშშ-ის პრეზიდენტმა დონალდ ტრამპმა განაცხადა, რომ ჩრდილოეთ კორეა ახალი საფრთხეების გაჟღერებისა და შეერთებული შტატებისა და მისი მოკავშირეების წინააღმდეგ მოქმედებების შემთხვევაში „აბსოლუტურად ინანს“.

„თუკი [კიმ ჩენ ინი] წარმოთქვამს კიდევ ერთ მუქარას, ღია ფორმის მუქარას... და თუკი ის გუამთან ან ამერიკის ან მისი მოკავშირეების ნებისმიერ სხვა ადგილებთან დაკავშირებით რაიმე ნაბიჯს გადადგამს, ის სრულიად ინანს ამის გამო უახლოეს დროში“, განაცხადა ამერიკის ლიდერმა პრესკონფერენციაზე.

ტრამპმა გამოხატა იმედი იმასთან დაკავშირებით, რომ ჩრდილოეთ კორეის ხელისუფლებას გაცნობიერებული აქვს შექმნილი მდგომარეობის სერიოზულობა. „იმედი მაქვს, მათ სრულიად სერიოზულად ესმით ის, რაც მე ვთქვი. ეს ის სიტყვებია, რომელიც ძალიან მარტივად შეიძლება რომ გაიგო“, განაცხადა ტრამპა, რომლის სიტყვების ციტირებასაც სააგენტო „როიტერსი“ ახდენს.