სამხრეთ კორეის პრეზიდენტის მთავარმა მრჩეველმა განაცხადა, რომ შეერთებულმა შტატებმა ჩრდილოეთ კორეის ბირთვული და სარაკეტო პროგრამების საკითხების დარეგულირებასთან დაკავშირებით ობამას ადმინისტრაციის დროს არსებული „სტრატეგიული მოთმინებიდან“, ტრამპის ადმინისტრაციის პირობებში „სტრატეგიულ დაბნეულობაში“ გადაინაცვლა, რითიც ისინიც გაურკვევლობაში არიან. 

პრეზიდენტის მრჩეველი ამბობს, რომ ისინი შეშფოთებული არიან დონალდ ტრამპის ჩრდილოეთ კორეაში „ცეცხლისა და მახვილის“ შეტანის პერსპექტივით, რაც ფხენიანის მიერ გაკეთებული იმ მუქარის განცხადებას მოჰყვა, რომელიც აგვისტოს შუა რიცხვებისთვის შესაძლებლად მიიჩნევდა ოთხი საშუალო და შორს მიმავალი რაკეტის აშშ-ის წყნარი ოკეანის ტერიტორიის, გუამის სიახლოვეს, კუნძულიდან 30 კმ-ის დაცილებით, აშშ-ის ტერიტორიულ წყლებში გაშვებას.

ABC-ის ახალი ამბების ჟურნალისტთან ინტერვიუში მრჩეველი აცხადებს, რომ მოვლენების ესკალაცია და სამხედრო გზით განვითარება არ სურს არც პრეზიდენტ მუნს და არც კორეელ ხალხს და ეს არის „შემოწმება და თამაში“ და ახლა საჭიროა „ორმხრივი თავდაჭერილობა“.