7 წლის, ორმაგი, ბრიტანულ-ავსტრალიური მოქალაქეობის მქონე ბიჭი დაიღუპა ბარსელონას ტერორისტული თავდასხმისას. აღნიშნული კატალონიის პოლიციამ დაადასტურა.

7 წლის ჯულიან კადმანი იმ 13 ადამიანს შორისაა, ვინც ხუთშაბათს ბარსელონაში მომხდარ ტერაქტს შეეწირა.

იგი მას შემდეგ იძებნებოდა, რაც დედამისი თავდასხმისას სერიოზულად დაშავდა და ოჯახმა ბავშვის ადგილსამყოფელის შესახებ არაფერი იცოდა.

მისმა ოჯახმა განაცხადა: „ჯულიანი ჩვენი ოჯახის უძვირფასესი და ძალზე საყვარელი წევრი იყო. და მაშინ, როცა იგი დედამისთან ერთად ბარსელონას სანახობებით ტკბებოდა, სამწუხაროდ, ჯულიანი ჩვენგან წავიდა.

„იგი იყო ენერგიული, მხიარული და მოურიდებელი, რომელსაც ყოველთვის შეეძლო ღიმილი მოეგვარა ჩვენ სახეებზე. ჩვენ გვემახსოვრება მისი ღიმილი და სათუთად შევინახვათ მის ხსოვნას ჩვენ გულებში“.

ბავშვის ოჯახის მიმართ სამძიმარი გამოხატა დიდი ბრიტანეთის საგარეო საქმეთა მდივანმა, ბორის ჯონსონმა, რომელმაც „ტვიტერზე“ დაწერა, რომ ჯულიანის „სიკვდილი ტრაგედიაა“.

ჯულიანის მამა და ბებია ავსტრალიიდან ესპანეთში, ბარსელონაში მომხდარი თავდასხმის შემდეგ ჩავიდნენ.

ჯულიანის დედა საავადმყოფოში იმყოფება. მისი მდგომარეობა მძიმეა, მაგრამ სტაბილური.