ექსპრემიერისა და არასამთავრობო ორგანიზაცია „მოქალაქე“–ს დამფუძნებლის ბიძინა ივანიშვილის განცხადებით, პროექტ 20/30 -ის ფარგლებში, ექსპერტები გარკვეული მიმართულებებით, მათ შორის ნეპოტიზმისა და კორუფციის მხრივ კვლევებს ატარებენ.


ამის შესახებ ივანიშვილმა ინფრასტრუქტურისა და მდგრადი განვითარების მინისტრის პოსტზე ნოდარ ჯავახიშვილის დანიშვნის საკითხის კომენტირებისას განაცხადა და აღნიშნა, რომ ინფრასტრუქტურის მინისტრის ყოფილ მოადგილეს საკუთარი წარსული აქვს და მინისტრად სწორედ ამის გამო დაინიშნა.


„ჩვენ ვცდილობთ ჩვენი პროექტის 20/30-ის ფარგლებშიც გარკვეული კვლევები ჩავატაროთ. თუ სადმე არის მინიშნება, რომ იყო კორუფცია ან ნეპოტიზმი, ჩვენ ჩვენის მხრივ კიდევ დამატებით გამოკვლევებს გავაკეთებთ“, - განაცხადა ბიძინა ივანიშვილმა.