ტროპიკული შტორმის, „ჰარვის“ თავზე დატყდომის შემდეგ, რასაც კოკისპირული წვიმა ახლავს თან, აშშ-ის ერთ-ერთი ყველაზე დიდი ქალაქის, ჰიუსტონის დატბორილი ნაწილებიდან 2,000-ზე მეტი ადამიანი გადაარჩინეს.

„ეროვნული ამინდის სამსახურის“ ცნობით, უხვი ნალექის გამო „საგანგებო მდგომარეობაა შექმნილი“ ჰიუსტონის მეტროს გასწვრივ, სადაც მგზავრობა თითქმის შეუძლებელია. აღნიშნული სამსახურის განცხადებით, ჰიუსტონში ხუთი ადამიანია დაღუპული, მაგრამ როგორც BBC იუწყება, ჯერჯერობით მხოლოდ ერთის გარდაცვალებაა დადასტურებული.

ტეხასის შტატის გუბერნატორმა გრეგ აბოტმა განაცხადა, რომ მისი წუხილის მთავარი საგანი ძლიერი წყალდიდობაა.

აბოტმა განაცხადა, რომ ქალაქებში - ჰიუსტონსა და კორპუს ქრისტიში ნალექის სახით უკვე 50 სმ წვიმა მოვიდა.

როგორც BBC იტყობინება, ამ დრომდე შტორმისაგან ორი ადამიანის სიკვდილია დადადსტურებული.

ერთი ადამიანი ქალაქ როკპორტში საცხოვრებელ სახლში გაჩენილი ხანძრის შედეგად გარდაიცვალა.

მეორე ადამიანი, ქალბატონი, წყლის მაღალ დონეში მოქცეული ავტომანქანიდან გადმოსვლის შემდეგ გარდაიცვალა. მისი გარდაცვალების მიზეზი არ დასახელებულა. იგი მისმა მეზობლებმა თავისი ავტომანქანიდან დაახლოებით 27 მეტრის მანძილზე იპოვეს და იგი გარდაცვლილად გამოცხადდა ექიმის მიერ, რომელიც ინციდენტის ადგილას იმყოფებოდა.

ამინდის სამსახურმა ტეხასის სამხრეთ-აღმოსავლეთით მდებარე ბევრ ოლქში წყალდიდობის შესახებ ახალი გაფრთხილების განცხადება გაავრცელა.

ამ დროისთვის თავსხმა წვიმა გრძელდება, რის გამოც „ბევრ პატარა უბეში, მდინარესა და მდინარის ტოტების დელტებში წყლის დონემ წინა წყალდიდობების რეკორდულ დონეებს გადააჭარბა“.

ჰიუსტონის არეში მგზავრობა „ძლიერ შეფერხებული, ზოგან კი შეუძლებელია“. ამინდის სამსახური მოსახლეობას ურჩევს უფრო შემაღლებულ ადგილებზე გადაინაცვლონ, რადგან „უკიდურესად საშიში და სიცოცხლისთვის სახიფათო მდგომარეობაა“.

„2,000-ზე მეტი სამაშველო ოპერაცია განხორციელდა იმ ადგილებიდან, სადაც წყლის დონე მაღალ ნიშნულზე იყო და ზოგიერთ ადგილებში საგანგებო ჯგუფები მისვლას ვერ ახერხებენ“, აცხადებენ ამინდის სამსახურში.

მცხოვრებლები გააფრთხილეს, რომ არ ეცადონ გადაადგილებას ან გაქცევას თუკი ეს „წყალდიდობის გამო არ იქნება გამოწვეული ანდა ეს ევაკუაციის გეგმის ნაწილი არაა“.