გამოკვლევამ აჩვენა, რომ არაქისის ალერგიის პერორალური მკურნალობა (პირის ღრუდან წამლის მიღება) წამლის მიღებიდან ოთხი წლის შემდეგაც კი ეფექტურია.

ბავშვები 18 თვის განმავლობაში ყოველდღიურად იღებდნენ არაქისის პროტეინის შემცველ პრობიოტიკს.

BBC-ის ცნობით, ერთი თვის შემდეგ ბავშვები შეამოწმეს და აღმოჩნდა, რომ პატარების 80%-მა არაქისი ალერგიის გარეშე მიიღო. ტესტიდან 4 წლის შემდეგ ბავშვების 70%-ს კვლავ შეუძლია არაქისის დაგემოვნება ნებისმიერი გვერდითი ეფექტის გარეშე.

ბოლო ათწლეულების განმავლობაში საჭმელების ალერგიებმა უკიდურესად მოიმატა, მათ შორის ყველაზე მომაკვდინებელი კი მიწის თხილის ალერგიაა.

მელბურნის ბავშვთა გამოკვლევის ინსტიტუტის წამყვანი მკვლევარი, პროფესორი მიმი ტანგი ამბობს, რომ ბავშვების ნახევარი არაქისს რეგულარულად მოიხმარდა, როდესაც მეორე ნახევარი არაქისს იშვიათად იღებდა.

„ამ აღმოჩენის მნიშვნელოვანი ნაწილი ის არის, რომ ამ ბაშვებს შეეძლოთ ეჭამათ მიწის თხილი იმავე ბავშვების მსგავსად, რომელთაც არ ჰქონდათ მიწის თხილის ალერგია და ჯერ კიდევ შეენარჩუნებათ თავიანთი მდგრადი მდგომარეობა - დაცული ყოფილიყვნენ მიწის თხილისადმი რეაქციების წინააღმდეგ“, განაცხადა მან.

პროფესორის თქმით, არაქისზე ალერგიის მკურნალობის არც ერთი ხერხი არ ყოფილა ეფექტური ასე ხანგრძლივად, 4 წლის განმავლობაში.

პრობიოტიკს „ლაქტობასილუს რამნოსუს“-ი ჰქვია, რასაც გარკვეული ალერგიული სიმპტომების შესაჩერებლად იყენებდნენ.

როდისაა უსაფრთხო არაქისის მიღება?

• ხალხი ხშირად იბნევა როდის შეუძლია უსაფრთხოდ მიიღოს არაქისი, მაშინ როდესაც მეთოდური რეკომენდაციები ჩვეულებრივ თავის არიდებას უწევენ ადვოკატირებას.

• არაქისის მიღება, როგორც ახლა ფიქრობენ, უსაფრთხოა ორსულობის დროს.

• თუ ოჯახის ისტორიაში არ არის არაქისზე ალერგიის შემთხვევები, ექიმები არაქისის კარაქის და არაქისის სხვა პროდუქტების მიღებას დაბადებიდან ექვსი თვის შემდეგ გვირჩევენ.

• თუ ალერგიის დიდი რისკია, მშობლებმა კონსულტაცია ექიმთან უნდა გაიარონ.

• ეს გამოკვლევა აჩვენებს როგორ დავეხმაროთ ალერგიულ ბავშვს, თუმცა მშობლებმა უმჯობესია ეს საქმე ექიმს მიანდონ.

• ხუთი წლის ასაკის ქვემოთ ბავშვებმა არ უნდა შეჭამონ მთლიანი კაკალი.

მაშინ როცა საკვების ალერგიები მსოფლიოს მასშტაბით 250 მილიონ ადამიანს შეეხო, საჭმელზე ალერგიებს შორის, არაქისის ალერგია ყველაზე მომაკვდინებელია. ამ ალერგიისგან გარდაცვლილთა რიცხვმა საკმაოდ მაღალი ტემპით იმატა.