საქართველოს თავდაცვის მინისტრმა საერთაშორისო მისიებში მყოფ სამხედრო მოსამსახურეებს 31 აგვისტო, მშვიდობისმყოფელის დღე გენერალური შტაბის მართვის ცენტრიდან მიულოცა.
თავდაცვის სამინისტროს ცნობით, უწყების ხელმძღვანელმა, ავღანეთში, მალიში და ცენტრალური აფრიკის რესპუბლიკაში დისლოცირებულ მშვიდობისმყოფელებს ტელეხიდის საშუალებით მიმართა და მათგან ადგილზე არსებული ვითარების შესახებ ინფორმაცია მოისმინა.
მან ქართველ სამშვიდობოებს გლობალური უსაფრთხოების უზრუნველყოფაში შეტანილი წვლილისთვის მადლობა გადაუხადა და სამშობლოში მშვიდობით დაბრუნება უსურვა.
„ქედს ვიხრი ყველა იმ სამხედრო მოსამსახურის წინაშე, ვინც საერთაშორისო მისიების ფარგლებში სიცოცხლე დაკარგა. მინდა, განსაკუთრებული მადლიერება გამოვხატო დაჭრილების მიმართ. ყველა ჩვენგანის, განსაკუთრებით სახელმწიფოს ვალდებულებაა, რომ ამ ადამიანებმა თავი იგრძნონ როგორც ერთიანი ოჯახის წევრებმა. ჩვენ თქვენთან ერთად ყველაფერს გავაკეთებთ, რომ მათ ეს განცდა ჰქონდეთ. მინდა, კიდევ ერთხელ გამოვხატო უდიდესი პატივისცემა, სიყვარული და მოკრძალება თქვენს წინაშე, ვინც წლების განმავლობაში სხვადასხვა ქვეყანაში მისიას ასრულებდით. მერწმუნეთ, რომ თქვენ ახალ ისტორიას ქმნით. ჯარმა ბორჯომის სიტიქიის დროსაც პასუხისმგებლობის მაღალი ხარისხი გამოავლინა. ჩვენმა სამხედროებმა ამოცანები უმოკლეს დროში ღირსეულად შეასრულეს, რაც იმ საერთო წვრთნების დამსახურებაა, რასაც საერთაშორისო მისიიის შესრულებამდე ჩვენს პარტნიორებთან ერთად გავდივართ", განაცხადა ლევან იზორიამ.
31 აგვისტო მშვიდობისმყოფელის დღედ გასულ წელს, თავდაცვის მინისტრის, ლევან იზორიას გადაწყვეტილებით დაწესდა. 18 წლის წინ, 1999 წელს, პირველი ქართული სამშვიდობო ოცეული კოსოვოში სამშვიდობო მისიის შესასრულებლად, სწორედ ამ დღეს გაემგზავრა. საქართველოს შეიარაღებული ძალები ნატოსა და ევროკავშირის ეგიდით მიმდინარე საერთაშორისო მისიებში 1999 წლიდან მონაწილეობს.
„ამჟამად, ქართული სამხედრო კონტინგენტი (900-მდე სამხედრო მოსამსახურე) საერთაშორისო ოპერაციას ავღანეთში, ნატოს „მტკიცე მხარდაჭერის მისიის“ ფარგლებში ასრულებს. ერთი ქვეითი ოცეული ცენტრალური აფრიკის რესპუბლიკაში ევროკავშირის ეგიდით მიმდინარე სამხედრო-საწვრთნელ მისიაშია (EUTM RCA) ჩართული, მალიში (EUTM Mali) კი საქართველოს შეიარაღებული ძალები ერთი ოფიცრითაა წარმოდგენილი", აღნიშნულია თავდაცვის სამინისტროს მიერ გავრცელებულ ინფორმაციაში.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIAN.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
ამერიკის შეერთებული შტატების არჩეულმა პრეზიდენტმა დონალდ ტრამპმა ჯანდაცვისა და სოციალური მომსახურების მდივნად ვაქცინაციის მიმართ სკეპტიკურად განწყობილი რობერტ ფიცჯერალდ კენედი უმცროსი, პრეზიდენტ ჯონ კენედის ძმისშვილი დაასახელა, რითაც დაასრულა დიდი ხნის მითქმა-მოთქმა კენედის გარშემო იმის შესახებ, თუ რა თანამდებობას დაიკავებდა იგი ტრამპის ადმინისტრაციაში.