საქართველოს პრემიერ მინისტრმა, გიორგი კვირიკაშვილმა ადგილობრივი თვითმმართველობის არჩევნებზე, „ქართული ოცნების" თბილისის მაჟორიტარი დეპუტატობის კანდიდატები წარადგინა. 

მმართველი გუნდის მიერ წარდგენილი სია ასეთია: 

მთაწმინდა - ჯაბა ჯიშკარიანი;

ვაკეში ორი კანდიდატია - გიორგი მუსხელიშვილი და გიორგი ბირბიჩაძე;

საბურთალო - ავთანდილ ცინცაძე, დავით უთმელიძე, ვახტანგ შაქარიშვილი;

კრწანისი - თემურ გორგაძე;

ისანი - ილია ჯიშკარიანი, ნინო ლაცაბიძე, ლევან დავითაშვილი;

სამგორი - რევაზ სოხაძე, გიორგი ტყემალაძე, გიორგი დოხტურიშვილი, ქეთევან მამულაშვილი;

ჩუღურეთი - რიმა ბერაძე;

დიდუბე - ვლადიმერ ძნელაძე, თარაშ შურღაია;

ნაძალადევი - თამარ ტალიაშვილი, დავით ჭელიძე, მიხეილ ამაშუკელი, ალექსანდრე ხუჯაძე;

გლდანი - შალვა ოგბაიძე, ოთარ გრიგოლია, გული გოცირიძე, ქეთევან ჯოხაძე.

„ჩვენ წინ გვაქვს ძალიან მნიშვნელოვანი არჩევნები. 21 ოქტომბერს ჩვენმა ხალხმა უნდა აირჩიოს საკუთარი წარმომადგენლები ადგილობრივი თვითმმართველობის ორგანოებში. ხალხი გადაწყვეტს, ვის ჩააბაროს მმართველობა ადგილობრივ დონეზე; ვინ იფიქრებს და იზრუნებს მეტად ხალხის საჭიროებებზე; ცხოვრების უკეთესი პირობების შექმნაზე და დარწმუნებული ვარ, რომ ჩვენი ხალხი ამჯერადაც გააკეთებს სწორ არჩევანს და გადაწყვეტილებას „ქართული ოცნების" ანუ მათი კიდევ უფრო უკეთესი მომავლის სასარგებლოდ მიიღებს. „ქართულ ოცნებას", როგორც მმართველ გუნდს, აღებული აქვს პასუხისმგებლობა რომ გვყავდეს ძლიერი თვითმმართველობები და ქვეყნის თითოეული მმართველი რგოლი ხალხის სამსახურში იდგეს. ამისთვის კი, ახალი ენერგია გვჭირდება განახლებულ დღის წესრიგსა და მოთხოვნებს გვიყენებს და ჩვენი პარტია სრულიად მზად არის, უპასუხოს ყველა ამ გამოწვევას", განაცხადა გიორგი კვირიკაშვილმა.