2014 წლიდან დღემდე, ხონის მუნიციპალიტეტის გამგეობის სოციალური პროგრამებით 7000-ზე მეტმა ბენეფიციარმა ისარგებლა და მათი დახმარების მიზნით, ჯამში 1 496 127 ლარი გაიცა.

აღნიშნულ ინფორმაციას თავად ხონის გამგეობა ავრცელებს.

მათივე ცნობით, ადგილობივებმა შემდეგი პროგრამებით ისარგებელს: 1. სამედიცინო მომსახურების თანადაფინანსება; 2. 18 წლამდე ასაკის შშმ ბავშვთა დახმარება; 3. დედ-მამით ობოლი 18 წლამდე ასაკის ბავშვთა ერთჯერადი დახმარება; 4. გონებრივად ჩამორჩენილი 18 წლის ზემოთ მყოფ პირთა ერთჯერადი დახმარება; 5. მრავალშვილიან ოჯახთა ერთჯერადი დახმარება; 6. მარტოხელა დედათა ერთჯერადი დახმარება; 7. დედ-მამით ობოლ სტუდენტთა ერთჯერადი დახმარება; 8. ხანდაზმულთა (90-100 და მეტი წლის) ერთჯერადი დახმარება; 9. საქართველოს თავისუფლებისა და ტერიტორიული მთლიანობისათვის მებრძოლთა ერთჯერადი დახმარება; 10. მეორე მსოფლიო ომის მონაწილეთა და მათთან გათანაბრებულ პირთა ერთჯერადი დახმარება; 11. საქართველოს თავისუფლებისა და ტერიტორიული მთლიანობისათვის მებრძოლ ვეტერანთა ერთჯერადი დახმარება; 12. ავღანეთისა და უნგრეთის ომის მონაწილეთა ერთჯერადი დახმარება; 13. ჩერნობილის ატომური ელექტროსადგურის სალიკვიდაციო სამუშაოებისას დაზარალებულ პირთა ერთჯერადი დახმარება; 14. ონკოდაავადებულ პირთა ყოველთვიური ფულადი დახმარება; 15. ლეიკემიიით დაავადებილ პირთა ყოველთვიური ფულადი დახმარება; 16. დიალეზზე მყოფ პირთა ყოველთვიური ფულადი დახმარება; 17. სტიქიის შედეგად დაზარალებულ ოჯახთა ერთჯერადი დახმარება (2015 წლამდე); 18. სოციალურად დაუცველ ოჯახთა ერთჯერადი დახმარება.