საქართველოს ვიცე პრემიერმა, საგარეი საქმეთა მინისტრმა, მიხეილ ჯანელიძემ აზერბაიჯანის საგარეო საეთა მინისტრთან, ელმარ მამედიაროვთან შეხვედრა გამართა.

ვიცე პრემიერი ბაქოს აზერბაიჯანი-საქართველო თურქეთის საგარეო საქმეთა მინისტრების სამმხრივი შეხვედრის ფორმატის ფარგლებში სტუმრობს.

საგარეო უწყების ცნობით, შეხვედრაზე მინისტრებმა ხაზი გაუსვეს სამმხრივი ფორმატის ფარგლებში აქტიურ თანამშრომლობას, რომელიც ყოველწლიურად ახალ მასშტაბებსა და განზომილებებს იძენს.

მათივე ინფორაციით, მინისტრებმა ასევე დადებითად შეფასეს ორმხრივი თანამშრომლობის მიმდინარეობა სხვადასხვა სფეროში, გამოთქვეს მზადყოფნა ხელი შეუწყონ ქვეყნებს შორის სავაჭრო-ეკონომიკური კავშირების კიდევ უფრო განვითარებას.

„აღინიშნა საქართველოსა და აზერბაიჯანის წარმატებული თანამშრომლობა როგორც ორმხრივ, ასევე სამმხრივ ფორმატებში, საერთაშორისო სატრანზიტო და ენერგეტიკული პროექტების კუთხით. მინისტრებმა გამოთქვეს მზადყოფნა მომავალშიც მჭიდროდ ითანამშრომლონ ორივე ქვეყნის სატრანზიტო პოტენციალის ეფექტური გამოყენებისთვის. კიდევ ერთხელ ხაზი გაუსვეს უკვე მიმდინარე პროექტების აქტუალობას და იმედი გამოთქვეს, რომ უახლოეს მომავალში წარმატებით ამოქმედდება ბაქო-თბილისი-ყარსის სარკინიგზო მაგისტრალი.

მინისტრებმა ასევე მიმოიხილეს მრავალმხრივ ფორმატებში ურთიერთობის საკითხები. მათ შორის განიხილეს სუამის ფარგლებში ახლო მომავალში დაგეგმილი ღონისძიებები.

საქართველოს საგარეო საქმეთა მინისტრმა აზერბაიჯანელ კოლეგას კიდევ ერთხელ მადლობა გადაუხადა საქართველოსთვის კრიტიკულ მომენტში - ბორჯომსა და აბასთუმანში ტყის მასივში გაჩენილი ხანძრების დროს აზერბაიჯანის მხრიდან გაწეული დახმარებისთვის", აღნიშნულია საგარეო საქმეთა სამინისტროს მიერ გარცელებულ ინფორმაციაში.