ბრაზილიის მთავარმა პროკურორმა ყოფილი პრეზიდენტები, ლუის ინასიო ლულა და სილვა და დილმა რუსეფი, კრიმინალური ორგანიზაციის შექმნაში დაადანაშაულა და განაცხადა, რომ ის ფულს ქვეყნის სანავთობო კომპანიების ფონდებიდან ამისამართებდა.

პროკურორმა როდრიგო ჯანოტმა განაცხადა, რომ ლულამ, რუსეფმა და „მშრომელთა პარტიის“ ექვსმა წარმომადგენელმა 2002 წლიდან 2016 წლამდე რამდენიმე დანაშაული ჩაიდინეს.

ყოფილი პრეზიდენტები ბრალდებებს უარყოფენ.

როგორც BBC იუწყება, ეს შემთხვევა ქალბატონი რუსეფის წინააღმდეგ პირველი კრიმინალური ბრალდებაა. რუსეფი 2016 წელს საბიუჯეტო კანონების დარღვევისათვის პრეზიდენტობიდან იმპიჩმენტის გზით გადააყენეს.

ბრალდებები დაკავშირებულია ოპერაცია „Car Wash”-თან, რომლის დახმარებითაც გაირკვა სქემა, რის მიხედვითაც ბრაზილიის უდიდესმა სამშენებლო ფირმებმა „პეტრობრასი“ კონტრაქტების დადებისთვის დააჯარიმეს.

ფულის დამატებითი ნაწილი პოლიტიკოსებისკენ წარმართეს - მათი ხმების მოსყიდვისთვის და პოლიტიკურ კამპანიებში მათ დასახმარებლად გამოიყენეს. ამ სკანდალურ საქმეში ათეულობით მაღალი რანგის პოლიტიკოსი და ცნობილი ბიზნესმენებიც არიან გარეულები, რამაც დამატებითი გამოძიებების წამოწყების საჭიროება წარმოშვა.

ჯანოტის განცხადებით, ლულა ამ ორგანიზაციის მეთაური იყო და „მშრომელთა პარტიამ“ ქრთამის სახით 480 მილიონი დოლარი მიიღო და მოისყიდა „პეტრობრასი“ და ბრაზილიის ეროვნული განვითარების ბანკი (BNDES).

230-გვერდიან დოკუმენტში ჯანოტმა აღნიშნა, რომ ეს სქემა 2002 წელს ლულას არჩევნებში გამარჯვებით დაიწყო და გასულ წელს რუსეფის იმპიჩმენტით დასრულდა.

ლულას, რომელიც დღესაც უაღრესად პოპულარული პოლიტიკოსია, კორუფციის ბრალდების წინააღმდეგ სარჩელი შეაქვს, რადგან ეს ბრალდება მას 2018 წლის საპრეზიდენტო არჩევნებში მონაწილეობის უფლებას ართმევს.

მისმა ადვოკატმა განაცხადა, რომ ბრალდება უსაფუძვლო იყო და ის ყოფილი პრეზიდენტის დევნისთვის გამოიყენებოდა.

რუსეფის წარმომადგენელმა კი განაცხადა, რომ პროკურატურას არ წარმოუდგენია დანაშაულობათა სამხილი და მოუწოდა უზენაეს სასამართლოს უზრუნველყოს იმის გარანტია, რომ ყოფილმა პრეზიდენტმა დაიცვას თავისი თავი ამ ბრალდებების წინააღმდეგ.