ბელარუსის რესპუბლიკის პრეზიდენტის, ალექსანდრე ლუკაშენკოს ვიზიტი საქართველოში გრძელდება. პრეზიდენტს შეხვედრები დღეს ბათუმში აქვს დაგეგმილი.
ალექსანდრე ლუკაშენკო აჭარის ავტონომიური რესპუბლიკის მთავრობის თავმჯდომარეს, არჩილ ხაბაძეს და აჭარის მთავრობის წევრებს შეხვდება.
დღესვე, ბათუმის სასტუმრო “შერატონში” ხელი მოეწერება ქალაქ ბრესტისა და ბათუმის დამეგობრების ხელშეკრულებას. ხელმოწერის ცერემონიალს დაესწრება საქართველოს პრეზიდენტი გიორგი მარგველაშვილი. შეხვედრაზე დაგეგმილია ორი ქვეყნის პრეზიდენტების კომენტარები.
ბელარუსის ვიცე-პრემიერი და დელეგაციის წევრები, საქართველოს ვიცე-პრემიერი გიორგი კვირიკაშვილი და აჭარის სოფლის მეურნეობის მინისტრი ზაურ ფუტკარაძე მოინახულებენ ქობულეთში არსებულ აგრო სერვის ცენტრის სანერგე მეურნეობას.
დღესვე ბელარუსის დელეგაცია ბათუმის ბოტანიკური ბაღის დათვალიერებას გეგმავს.
ბელარუსის პრეზიდენტის საქართველოში 3-დღიანი ოფიციალური ვიზიტი ბათუმში ვიზიტით სრულდება.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIAN.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
ამერიკის შეერთებული შტატების არჩეულმა პრეზიდენტმა დონალდ ტრამპმა ჯანდაცვისა და სოციალური მომსახურების მდივნად ვაქცინაციის მიმართ სკეპტიკურად განწყობილი რობერტ ფიცჯერალდ კენედი უმცროსი, პრეზიდენტ ჯონ კენედის ძმისშვილი დაასახელა, რითაც დაასრულა დიდი ხნის მითქმა-მოთქმა კენედის გარშემო იმის შესახებ, თუ რა თანამდებობას დაიკავებდა იგი ტრამპის ადმინისტრაციაში.