სამი მამაკაცი, მათ შორის ორი ბრიტანელი ჯარისკაცი აკრძალული ნეო-ნაცისტური ჯგუფის წევრობისთვის დააპატიმრეს.

როგორც BBC იუწყება, 22 წლის ალექსანდერ დიკინს, 32 წლის მიკო ვევილაინენს და 24 წლის მარკ ბარეტს ბრალად აკრძალული ჯგუფის წევრობა ედება.

ეს არის პირველი ულტრა-მემარჯვენე დაჯგუფება, რომელიც შინაგან საქმეთა სამინისტრომ 2016 წელს აკრძალა.

დაკავებულები 5 სექტემბერს დაპატიმრებულ ხუთ ადამიანს შორის არიან. დანარჩენი ორი სასჯელის მისჯის გარეშე გაათავისუფლეს.

დაკავებულები ვესტმინისტერის სასამართლოში სამშაბათს წარსდგებიან.

ჩრდილოეთ მიდლენდის პოლიციამ განაცხადა, რომ „დაკავებები წინასწარ იყო დაგეგმილი და მას წინ უძღოდა სადაზვერვო საქმიანობა“.

დიკინს ტერორიზმის აქტის 2000-ის 58-ე სექციის მიხედვით ორი ბრალდება წარედგინა - რაც გულისხმობს ისეთი დოკუმენტების ქონას, რომელიც სასარგებლოა იმ პირისთვის, ვინც ტერორისტული აქტის განხორციელებას გეგმავს.

ვევილაინენს ასევე ტერორისტული აქტის 2000-ის მიხედვით წარედგინა ბრალდება და მასაც იმ დოკუმენტების ქონას ედავებიან, რომელიც სასარგებლოა იმ პირისთვის, ვინც ტერორისტული აქტის განხორციელებას გეგმავს.

გარდა ამისა, მას ბრალად ედება იარაღის - პილპილის შესასხურებლის ქონა.

32 წლის მამაკაცს ასევე საზოგადოებისთვის მუქარის შემცველი, ონლაინ სივრცეში იმგვარი სალანძღავი ან შეურაცხმყოფელი კომენტარების გამოქვეყნებისთვისაც აქვს ბრალი წარდგენილი, რომელიც რასობრივი სიძულვილის გაღვივებას უწყობს ხელს.