ლიბიაში, თურქეთიდან მიმავალ ტანზანიის დროშის ქვეშ მცურავ გემზე მყოფი ეკიპაჟის 11 წევრი, მათ შორის, 3 ქართველი მეზღვაური დააკავეს.
აღნიშნულ ინფორმაციას ეკონომიკისა და მდგრადი განვითარების სამინისტროს საზღვაო ტრანსპორტის სააგენტოს დირექტორი ადასტურებს.
„საზღვაო ტრანსპორტის სააგენტოში გუშინ, გვიან ღამით შემოვიდა ინფორმაცია, რომ 30 აგვისტოს ლიბიის სანაპირო დაცვამ, ე.წ. ცხელ კვალზე დევნის პრინციპით დააკავა ტანზანიის დროშის ქვეშ მცურავი გემი, რომელიც სავარაუდოდ, ეკუთვნის ბერძნული წარმომავლობის გემთფლობელს. გემზე იმყოფებოდა ეკიპაჟის 11 წევრი, მათ შორის, სამი ქართველი მეზღვაურიც არის და კაპიტანიც ქართველია. გემი არის დაკავებული, ეკიპაჟიც არის დაკავებული. სავარაუდოდ, ჩვენს ხელთ არსებული ინფორმაციით, ეკიპაჟის დაკავების მიზეზი შეიძლება იყოს დაკავშირებული ლიბიაში ან შეტანილ, ან გემით გამოტანილ ტვირთთან, რომელიც ლიბიის სახელმწიფოსთვის იყოს მიჩნეული, როგორც არალეგალური ნაოსნობა. ვფიქრობთ, რომ ეს უმეტესწილად, ნავთობთან არის კავშირში", განაცხადა „რუსთავი 2"-თან საუბრისას საზღვაო ტრანსპორტის სააგენტოს დირექტორმა, მამუკა ახალაძემ.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIAN.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
ამერიკის შეერთებული შტატების არჩეულმა პრეზიდენტმა დონალდ ტრამპმა ჯანდაცვისა და სოციალური მომსახურების მდივნად ვაქცინაციის მიმართ სკეპტიკურად განწყობილი რობერტ ფიცჯერალდ კენედი უმცროსი, პრეზიდენტ ჯონ კენედის ძმისშვილი დაასახელა, რითაც დაასრულა დიდი ხნის მითქმა-მოთქმა კენედის გარშემო იმის შესახებ, თუ რა თანამდებობას დაიკავებდა იგი ტრამპის ადმინისტრაციაში.