ყაზახეთში, ქალაქ ყარაგანდაში საქართველოს საპატიო საკონსულოს გახსნის საზეიმო ცერემონია და საქართველო-ყაზახეთის ბიზნესფორუმი გაიმართა.
საქართველოს საგარეო საქმეთა სამინისტროს ცნობით, ღონისძიებაში მონაწილეობა ყაზახეთის რესპუბლიკაში აკრედიტებული დიპლომატიური კორპუსის, ყაზახეთის რესპუბლიკის აღმასრულებელი ხელისუფლების, საჯარო სტრუქტურების და ბიზნეს სექტორის 100-მდე წარმომადგენელმა მიიღო.
„დამსწრე საზოგადოებას მისასალმებელი სიტყვით მიმართეს საქართველოს საგანგებო და სრულუფლებიანმა ელჩმა ყაზახეთის რესპუბლიკაში ზურაბ აბაშიძემ და საქართველოს საპატიო კონსულმა ჟანატ ტუსუპბეკოვმა.
ბიზნესფორუმის დამსწრე საზოგადოებას საქართველოს საინვესტიციო კლიმატის და ენერგეტიკის სფეროში საინვესტიციო შესაძლებლობების შესახებ პრეზენტაციები წარუდგინეს საქართველოს ეკონომიკისა და ენერგეტიკის სამინისტროს წარმომადგენლებმა. ფორუმის მონაწილეებს ამომწურავი ინფორმაცია მიეწოდათ საქართველოში ბიზნესის დაწყების და წარმოების სამართლებრივ რეგულაციებთან, საქართველოს მიმზიდველ საინვესტიციო კლიმატთან და ლიბერალურ საგადასახადო სისტემასთან დაკავშირებით.
ბიზნესფორუმის ფარგლებში გამართულ საზეიმო მიღებაზე კი, სტუმრებს მიეწოდათ ინფორმაცია საქართველოს კულტურული და ისტორიული ღირსშესანიშნაობების, საქართველოს ტურისტული რეგიონების პოტენციალისა და ეთნოგრაფიული კუთხეების, ეკონომიკური განვითარებისა და განხორციელებული რეფორმების შესახებ. ღონისძიების დასასრულს სტუმრებს საშუალება ჰქონდათ გაცნობოდნენ ქართულ და ყაზახურ ფოლკლორს და დაეგემოვნებინათ ქართული ეროვნული კერძები და ღვინო.
ყაზახეთში საქართველოს საპატიო საკონსულოს შენობის საზეიმო გახსნის ცერემონია და საქართველო-ყაზახეთის ბიზნესფორუმი საქართველოს საელჩოს, საქართველოს საპატიო კონსულის ჟანატ ტუსუპბეკოვის და ყარაგანდის აკიმის (გუბერნატორის) ორგანიზებითა და მხარდაჭერით გაიმართა", აღნიშნულია საგარეო უწყების მიერ გავრცელებულ ინფორმაციაში.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIAN.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
ამერიკის შეერთებული შტატების არჩეულმა პრეზიდენტმა დონალდ ტრამპმა ჯანდაცვისა და სოციალური მომსახურების მდივნად ვაქცინაციის მიმართ სკეპტიკურად განწყობილი რობერტ ფიცჯერალდ კენედი უმცროსი, პრეზიდენტ ჯონ კენედის ძმისშვილი დაასახელა, რითაც დაასრულა დიდი ხნის მითქმა-მოთქმა კენედის გარშემო იმის შესახებ, თუ რა თანამდებობას დაიკავებდა იგი ტრამპის ადმინისტრაციაში.