დუშეთის მუნიციპალიტეტის გამგეობის ორგანიზატორობით, დუშეთში, მინი-ფეხბურთში, კახა კობიაშვილისა და შიოლა შიოლაშვილის ხსოვნისადმი მიძღვნილი ტურნირი ჩატარდა.

გამგეობის ცნობით, შეჯიბრში დუშეთის მუნიციპალიტეტის 12 გუნდი მონაწილეობდა.

„საპრიზო ადგილები გადანაწილდა შემდეგნაირად: I. ადგილი დუშეთის „ბრუცო“ II. ადგილი „ფასანაური“ III. ადგილი დუშეთის „კატენაჩო“.

წარმოდგენილ ნომინაციებში დასახელდნენ: საუკეთესო მეკარე – გიორგი კელეხაშვილი, საუკეთესო ფეხბურთელი – აჩიკო კელიხაშვილი, საუკეთესო ბომბარდირი – ლექსო ღუდუშაური.

I ადგილზე გასულ გუნდს კახა კობიაშვილისა და შიოლა შიოლაშვილის სახელობის გარდამავალი თასი გადაეცა, ხოლო ტურნირში გამარჯვებული სხვა გუნდები სხვდასხვა საჩუქრებით დაჯილდოვდნენ“, აღნიშნულია დუშეთის მუნიციპალიტეტის გამგეობის მიერ გავრცელებულ ინფორმაციაში.