„ქართული ოცნება - დემოკრატიული საქართველოს“ მერობის კანდიდატი აბაშაში, ლევან მაკალათია პრემიერ მინისტრსა და მმართველ გუნდს გამოცხადებული ნდობისთვის მადლობას უხდის.
მაკალათია რეგიონში, მერობის დანარჩენ რვა კანდიდატთან ერთად, გიორგი კვირიკაშვილმა ამომრჩევლებს ზუგდიდში წარუდგინა.
„იმედი მაქვს, რომ ჩემ აბაშელ მოსახლეობასთან ერთად, მათი მხარდაჭერითა და ჩემი დაუღალავი შრომით, ძალიან ბევრ მიზანს ერთად მივაღწევთ. მოსახლეობას ვპირდები, რომ ყველა ოჯახი იგრძნობს კეთილდღეობას იმ ბევრი მნიშვნელოვანი პროექტის წყალობით, რომელსაც მმართველ გუნდთან ერთად განვახორციელებთ“, განაცხადა აბაშის მერობის კანდიდატმა წარდგენის შემდეგ, როგორც ეს GUARDIAN.GE-ს პარტიის პრესსამსახურიდან აცნობეს.
პრემიერ მინისტრმა, „ქართული ოცნება-დემოკრატიული საქართველოს“ თავჯდომარემ, გიორგი კვირიკაშვილმა ზუგდიდში სამეგრელო-ზემო სვანეთის მუნიციპალიტეტების მერობის კანდიდატები წარადგინა.
რაც შეეხება დანარჩენ რვა კანდიდატს, სამეგრელო-ზემო სვანეთის რეგიონში ზუგდიდის მერობის კანდიდატი ლაშა გოგია იქნება, მესტიის - კაპიტონ ჟორჟოლიანი; ფოთის - გოჩა კურდღელია; სენაკის - ლევან კუპრეიშვილი; მარტვილის - ალექსანდრე გრიგალავა; ხობის - გოჩა ქაჯაია; წალენჯიხის - ბესიკ ფარცვანია, ჩხოროწყუსი კი დავით გოგუა.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIAN.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
ამერიკის შეერთებული შტატების არჩეულმა პრეზიდენტმა დონალდ ტრამპმა ჯანდაცვისა და სოციალური მომსახურების მდივნად ვაქცინაციის მიმართ სკეპტიკურად განწყობილი რობერტ ფიცჯერალდ კენედი უმცროსი, პრეზიდენტ ჯონ კენედის ძმისშვილი დაასახელა, რითაც დაასრულა დიდი ხნის მითქმა-მოთქმა კენედის გარშემო იმის შესახებ, თუ რა თანამდებობას დაიკავებდა იგი ტრამპის ადმინისტრაციაში.