პარლამენტის წევრმა, ქართული ოცნება - დემოკრატიული საქართველოს” ლაგოდეხის ორგანიზაციის თავმჯდომარემ, გურამ მაჭარაშვილმა, პარტიის აქტივს მუნიციპალიტეტში მაჟორიტარობის კანდიდატები წარუდგინა.
მაჭარაშვილის განცხადებით, პოლიტიკურ გუნდთან კონსულტაციის შედეგად გადაწყდა, რომ საკრებულოს წევრობის კანდიდატთა სია ახალგაზრდებით დაკომპლექტებულიყო.
„მნიშვნელოვანია ახალი ძალა, თანამედროვე განათლების მქონე, ინოვაციურად მოაზროვნე ადამიანები ადგილობრივ ხელისუფლებაში”, აღნიშნა მან.
ამასთან, როგორც მაჭარაშვილმა განაცხადა, აუცილებელია, ლაგოდეხიდან წასული ახალგაზრდები მშობლიურ ადგილს დაუბრუნდნენ, შეძლონ დასაქმება და საკუთარი მუნიციპალიტეტის განვითარებაზე ზრუნვა.
ღონისძიებას ლაგოდეხის მერობის კანდიდატი, ჯონდო მდივნიშვილიც ესწრებოდა, რომელმაც სიტყვით მიმართა ახალგაზრდებს და განაცხადა, რომ ძალისხმევას არ დაიშურებს მუნიციპალიტეტის განვითარებისთვის.
ინფორმაციას პარტიის პრესსამსახური ავრცელებს.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIAN.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
ამერიკის შეერთებული შტატების არჩეულმა პრეზიდენტმა დონალდ ტრამპმა ჯანდაცვისა და სოციალური მომსახურების მდივნად ვაქცინაციის მიმართ სკეპტიკურად განწყობილი რობერტ ფიცჯერალდ კენედი უმცროსი, პრეზიდენტ ჯონ კენედის ძმისშვილი დაასახელა, რითაც დაასრულა დიდი ხნის მითქმა-მოთქმა კენედის გარშემო იმის შესახებ, თუ რა თანამდებობას დაიკავებდა იგი ტრამპის ადმინისტრაციაში.