ქარიშხალმა „მარიამ“ დომინიკას „ფართომასშტაბიანი ზარალი“ მიაყენა, განაცხადა პრემიერ მინისტრმა, რუზველტ სკერიტმა.

„ჩვენ დავკარგეთ ყველაფერი, რისი ყიდვაც კი ფულით არის შესაძლებელი“, განაცხადა მან „ფეისბუქის“ გვერდზე, როგორც ამას BBC იუწყება.

ქარიშხალი „პოტენციურად კატასტროფულ“ მეხუთე კატეგორიის შტორმად იქცა, სანამ კარიბის კუნძულებს დაატყდებოდა თავს.

უფრო ადრე პრემიერ მინისტრმა „ფეისბუქის“ პირდაპირში განაცხადა, რომ მისი საკუთარი სახურავი ნაფლეთებად იყო ქცეული.

„ჩემი უდიდესი შიში იმაში მდგომარეობს, რომ ჩვენ გავიღვიძებთ ახალი ამბებით, რომელიც გვამცნობს სერიოზულ ფიზიკურ დაზიანებებსა და შესაძლოა დაღუპულებზე, რადგან უწყვეტი წვიმები მეწყერების გამომწვევი იქნება“, დაწერა მან მას შემდეგ, რაც იგი მაშველებმა გადაარჩინეს და უსაფრთხო ადგილას გადაიყვანეს.