მძლავრი მიწისძვრა მოხდა ცენრტალურ მექსიკაში, რამაც პანიკა შექმნა და ათასობით ადამიანი ქუჩაში გამოიყვანა.
როგორც BBC იუწყება, 7.1 მაგნიტუდის სიმძლავრის მიწისძვრა დედაქალაქ მეხიკოში იგრძნობდა. მან დაანგრია შენობების ნაწილი და ამ დროის მონაცემებით სულ მცირე 224 ადამიანის სიცოცხლე იმსხვერპლა, თუმცა მოელიან, რომ მსხვერპლის რიცხვი გაიზრდება, რადგან დანგრეულ შენობებში ბევრი ადამიანია მოყოლილი და მაშველები იქედან მათ გამოყვანას ცდილობენ.
ქვეყნის დედაქალაქის აეროპორტმა ოპერაციები შეწყვიტა და ქალაქის გარშემო შენობებიდან ადამიანების ევაკუაცია განხორციელდა. ინფორმაცია რამდენიმე შენობაში ხანძრის შესახებაც ვრცელდება, სადაც ადამიანები არიან მომწყვდეული.
მექსიკის სამხრეთ-აღმოსავლეთ სანაპიროსთან ორ კვირაზე ნაკლები ხნის წინათ 8.1 მაგნიტუდის სიმძლავრის მიწისძვრა მოხდა, რამაც სულ მცირე 90 ადამიანის სიცოცხლე იმსხვერპლა.
შეერთებული შტატების გეოლოგიური სამსახურის ცნობით, მიწისძვრის ეპიცენტრი დედაქალაქის მოსაზღვრე შტატ პუებლაში, 51 კმ-ის სიღრმეში იყო.
ახლანდელი მიწისძვრა 1985 წელს მომხდარი დიდი უბედურების 32-ე წლისთავს დაემთხვა. მეხიკოში მაშინ მომხდარი ძლიერი მიწისძვრის შედეგად 10 000 ადამიანი მაინც დაიღუპა.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIAN.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
ამერიკის შეერთებული შტატების არჩეულმა პრეზიდენტმა დონალდ ტრამპმა ჯანდაცვისა და სოციალური მომსახურების მდივნად ვაქცინაციის მიმართ სკეპტიკურად განწყობილი რობერტ ფიცჯერალდ კენედი უმცროსი, პრეზიდენტ ჯონ კენედის ძმისშვილი დაასახელა, რითაც დაასრულა დიდი ხნის მითქმა-მოთქმა კენედის გარშემო იმის შესახებ, თუ რა თანამდებობას დაიკავებდა იგი ტრამპის ადმინისტრაციაში.