პარტია „ქართული ოცნება - დემოკრატიული საქართველოს“ ხონის მერობის კანდიდატმა, ლადო ჯურხაძემ სოფლების, დიდი კუხისა და ახალშენის ამომრჩეველს საარჩევნო პროგრამა გააცნო და მომავალი ოთხი წლის გეგმებზე ესაუბრა.

„მომდევნო ოთხი წლის განმავლობაში, მე ვიქნები შუამავალი თქვენსა და სახელმწიფოს სხვადასხვა სტრუქტურებთან, ინვესტორებთან, რომლებიც გაგიწევენ კონსულტაციებს, მოგცემენ მიმართულებას, თუ როგორ უნდა განავითაროთ სწორად სოფლის მეურნეობა“, განაცხადა ლადო ჯურხაძემ.

პარტიის პრესსამსახურის ცნობით, ხონის მერობის კანდიდატმა ამომრჩეველთან იმ სხვა პრიორიტეტულ პროგრამებზეც გაამახვილა ყურადღება, რომელთა განხორციელება მომავალშიც გაგრძელდება.

„შიდა გზების რეაბილიტაცია, სკვერებისა და პარკების გაშენება, გამწვანება და ახალგაზრდების ჩართულობით სხვადასხვა პროექტების განხორციელება, ეს ჩვენი მომდევნო ოთხი წლის გეგმაა“, აღნიშნა ლადო ჯურხაძემ.