პარტია „ქართული ოცნება - დემოკრატიული საქართველოს“ ამბროლაურის მერობის კანდიდატი ზვიად მხეიძე მუნიციპალიტეტის რამდენიმე სოფლის მოსახლეობას შეხვდა.

„მომდევნო ოთხი წლის განმავლობაში, მე ვიქნები შუამავალი თქვენსა და სახელმწიფოს სხვადასხვა სტრუქტურებთან, რომლებიც გაგიწევენ კონსულტაციებს, მოგცემენ მიმართულებას, თუ როგორ უნდა განავითაროთ სწორად მევენახეობა, მეღვინეობა და ტურისტული მომსახურების სფეროები“, განაცხადა ზვიად მხეიძემ სოფელ ხვანჭკარის მოსახლეობასთან შეხვედრისას.

როგორც GUARDIAN.GE-ს პარტიის პრესსამსახურიდან აცნობეს, მერობის კანდიდატი ასევე, სოფელ მეორე ტოლის ბიბლიოთეკაში იმყოფებოდა, რომელიც აღდგენას და ინვენტარის განახლებას საჭიროებს.

ზვიად მხეიძემ სოფელ ჩორჯოსა და პირველ ტოლაში, ამომრჩევლებთან შეხვედრის დროს ყველა ის პრობლემატიკა განიხილა, რომელიც ადგილობრივ მოსახლეობას აწუხებს.